LeBron magnaður þegar Cavs vann með minnsta mun | Myndbönd

Það var mikið um dýrðir í NBA körfuboltanum vestanhafs í nótt þar sem alls tíu leikir fóru fram.

Mögnuð frammistaða LeBron James skilaði Cleveland Cavaliers sínum sjöunda sigri í röð en kappinn gerði 27 stig, tók 16 fráköst og gaf 13 stoðsendingar í eins stigs sigri á Charlotte Bobcats, 100-99.

Russell Westbrook hlóð einnig í þrefalda tvennu þegar Oklahoma City Thunder tapaði með minnsta mun fyrir Detroit Pistons, 98-99. Westbrook skoraði 27 stig, tók 11 fráköst og gaf 11 stoðsendingar en þurfti ansi mörg skot til að ná þessum stigum. Hann var til að mynda með afleita þriggja stiga nýtingu þar sem hann hitti aðeins einu sinni í tíu tilraunum fyrir utan þriggja stiga línuna.

Meistaraliði Golden State Warriors urðu ekki á nein mistök þegar þeir fengu Chicago Bulls í heimsókn þrátt fyrir að vera án Kevin Durant. Stephen Curry gerði 33 stig og Klay Thompson bætti 29 við í öruggum sigri, 143-94.

Fátt virðist geta stöðvað Boston Celtic þessa dagana og Orlando Magic var ekki mikil fyrirstaða þegar þeir heimsóttu Boston í nótt. Kyrie Irving fór fyrir sínu liði í stigaskori, gerði alls 30 stig í 15 stiga sigri, 118-103.

Öll úrslit næturinnar

Brooklyn Nets 125-127 Portland Trailblazers

Atlanta Hawks 116-104 New York Knicks

Boston Celtics 118-103 Orlando Magic

Minnesota Timberwolves 97-109 Miami Heat

Cleveland Cavaliers 100-99 Charlotte Bobcats

Oklahoma City Thunder 98-99 Detroit Pistons

Indiana Pacers 107-104 Toronto Raptors

Denver Nuggets 104-92 Memphis Grizzlies

Phoenix Suns 91-115 New Orleans Hornets

Golden State Warriors 143-94 Chicago Bulls