Útlit, virkni og gæði frá ZO•ON

KYNNING ZO•ON hefur sent frá sér nýja vetrarlínu þar sem helstu áherslunar eru á smart, fjölnota fatnað sem hægt er að nota við mismunandi tækifæri.

„Fötin frá ZO•ON eru hönnuð þannig að þau henta vel hvort sem þau eru notuð við útivist á fjöllum eða í daglegu amstri og því staðsetjum við merkið okkur sem „urban outdoor“. Það sem er nýtt hjá ZO•ON er að fleiri flíkur falla í þennan flokk og má þar helst nefna glæsilega úlpu sem kallast Patti. Um er að ræða frábæra herraúlpu í léttari kantinum sem gefur góðan varma á köldum dögum. Hún er hönnuð með það í huga að vera lipur í notkun og er jafnframt vatnsheld svo hún þolir vel hvaða veður sem er. Patti kemur í tveimur litum, svörtum og dökkbláu og úlpan passar við nánast allt. Fyrir dömurnar hefur létta úlpan Þrauka verið mjög vinsæl og til að toppa útlitið þá er Esja dúnjakkinn okkar settur undir hana,“ segir Hulda Karlotta Kristjánsdóttir, hönnuður og gæðastjóri hjá ZO•ON, en hún lærði fatahönnun við Listaháskóla Íslands.

Vönduð, tæknileg efni og náttúrulegir litir

Von er á nýrri og glæsilegri vörulínu frá ZO•ON á næstunni og segir Hulda Karlotta þar sé lögð jöfn áhersla á útivistarhliðina og borgarklæðnað, eða „urban wear“.

„Við höldum áfram að nota vönduð, tæknileg efni og leggjum áherslu á smáatriðin. Hönnunin einkennist af afslöppuðu útliti og náttúrulegum litum. Við höfum verið með „2 in 1“ úlpur, sem eru frábærar fyrir okkar íslenska veður en auðvelt er að breyta þeim í regnjakka. Þetta hefur mælst svo vel fyrir hér svo við ætlum að halda áfram með þetta og koma með fleiri útgáfur,“ upplýsir Hulda Karlotta.

„Næsta vetur munum við svo bæta við „3 in 1“ jökkum, sem er 3ja laga jakkar með primaloftjakka innan í. Við hugsum sumarlínuna og vetrarlínuna sem eina heild, þar sem við getum leikið okkur með léttar sumarflíkur og einangrað þær með öðrum dún- eða primaloftflíkum þegar kólna fer í veðri. Þetta gefur flíkunum mun meira notagildi en áður,“ segir Hulda Karlotta.

Útlit, virkni og gæði

Þegar ný lína verður til hjá hönnunarteymi ZO•ON er farið vel yfir hvað hefur gengið vel og hvað síður, að sögn Huldu Karlottu. „Við höfum alltaf í huga útlit, virkni og gæði. Við þurfum líka að hafa í huga að við viljum ná til breiðs aldurhóps. Innblástur og liti sækjum við yfirleitt í íslenska náttúru. Hún er stórbrotin og hefur alltaf upp á eitthvað nýtt að bjóða fyrir innblásturinn. Við erum tvö í hönnunarteyminu, ég og Martti Kellokumpu sem er frá Finnlandi. Hann er þaulreyndur útivistarhönnuður og starfaði í mörg ár hjá finnska merkinu HALTI. Við erum nokkuð ólíkir hönnuðir, hann er með tæknilegu hliðina og ég er meira með tískuhliðina. Þessar ólíku hliðar gera okkur að sterku teymi og má sjá afraksturinn okkar í nýju vetrarlínunni sem er nú í verslunum okkar. Þessi lína hefur vægast sagt fengið góðar viðtökur,“ segir Hulda Karlotta brosandi.

ZO•ON í jólapakka fyrirtækja

Sífellt fleiri fyrirtæki kjósa fatnað frá ZO•ON fyrir starfsfólk sitt. „Hjá okkur fást vinnupeysur og annar þægilegur vinnufatnaðar þar sem ekkert er gefið eftir hvað varðar gæði og endingu. Það er frábært fyrir fyrirtæki að geta boðið starfsfólki falleg gæðaföt úr góðum efnum sem hafa mismunandi eiginleika,“ segir Hulda Karlotta.

Fatnaður frá ZO•ON hentar einnig vel til jólagjafa eða annarra starfsmannagjafa fyrirtækja.

„Við höfum margt sniðugt að bjóða í gjafir fyrir starfsfólk fyrirtækja, svo sem yfirhafnir, hlýjar peysur og buxur, auk þess sem gott úrval er af fylgihlutum á borð við undirfatnað, húfur, vettlinga, létta bakpoka og fleira,“ segir Hulda Karlotta.

Gjafkortin frá ZO•ON hafa einnig verið vinsæl og þau eru kjörin jólagjöf til starfsmanna fyrirtækja en þá getur fólk sjálft valið það sem hentar hverjum og einum best. „Við tökum vel á móti fyrirtækjum og metum þarfir þeirra. Mörg fyrirtæki vilja láta merkja fatnaðinn, fá sýnishorn eða mátunarsett. Við reynum að mæta þörfum hvers og eins eftir fremsta megni og leggjum mikið upp úr því að veita framúrskarandi þjónustu,“ segir Hulda Karlotta að lokum.

Sölustaðir: ZO•ON selur vörur sínar í verslunum um allt land. Hægt er að sjá nánar um sölustaðina á www.zo-on.is