Meistararnir pökkuðu San Antonio saman

Klay Thompson og Kevin Durant fóru fyrir meistaraliði Golden State Warriors er það valtaði yfir San Antonio Spurs í nótt.

Thompson skoraði 27 stig og Durant 24. Það er mikil meiðsli í herbúðum Spurs sem var að tapa sínum fjórða leik í röð en Warriors var að vinna sinn fimmta leik í síðustu sex leikjum.

Gregg Popovich, þjálfari San Antonio, var beðinn um að yfirgefa svæðið í fjórða leikhluta er hann missti stjórn á skapi sínu. Hann er einum sigurleik frá því að jafna árangur Phil Jackson yfir flesta sigurleiki og það ætlar að taka tíma að ná þeim sigri.

Það var mikil dramatík í leik Portland og Lakers þar sem Damian Lillard tryggði Portland sigur með körfu sem kom nokkrum sekúndubrotum fyrir leikslok.

Úrslit:

San Antonio-Golden State  92-112

Portland-LA Lakers  113-110

Staðan í NBA-deildinni.