Ósáttur starfsmaður Twitter lét loka reikningi Trump

Ósáttur starfsmaður samskiptamiðilsins Twitter sem fékk reisupassann í gær tók sig til og þurrkaði út Twitterreikning eins frægasta notenda miðilsins, sjálfs Donald Trump Bandaríkjaforseta. BBC greinir frá þessu.

Twitter reikningur forsetans lá niðri í rúmar tíu mínútur en það vakti engu að síður greíðarlega athygli enda fylgjast um 45 milljónir manna með ævintýrum forsetans umdeilda á Twitter, þar sem hann lætur oft móðan mása.

Fyrstu viðbrögð frá Twitter voru þau að um tæknilega örðugleika hafi verið að ræða en síðar kom önnur tilkynning þar sem skuldinni var skellt á ósáttan starfsmann.

Fylgjendur Trump á Twitter eru um 41,7 milljónir.