Dave Castro, yfirmaður heimsleikana í crossfit, tilkynnti í nótt um nokkrar breytingar á heimsleikunum á næsta ári en þetta gerði hann eftir CrossFit Invitational mótið sem fór fram í Ástralíu í nótt.
Breytingarnar að þessu sinni snúa að liðakeppni heimsleikanna og undankeppninni fyrir heimsleikana sem fara aftur fram í Madison í Wisconsin-fylki næsta haust. Boxrox segir frá.
Nú verða aðeins fjórir í hverju liði í liðakeppni heimsleikanna í stað sex áður. Þetta gerir það að verkum að hægt er að búa til ennþá öflugri lið eða svokölluð súper-lið.
Íslenskt crossfit fólk hefur hingað til komist á leikana í gegn undankeppni Evrópu sem í raun hefur verið undankeppni alls Meridian svæðisins.
Nú verður Meridian svæðinu skipt upp í tvo hluta, Norður og Suður. Afríka og Miðausturlönd verða í suður-riðlinum og fá fjögur sæti á heimsleikunum en Ísland og Norður-Evrópulöndin keppa um fimm laus sæti í norðurhlutanum.
Það er einnig nýr Suður-Ameríkuriðill þar sem keppt er um eitt sæti hjá hvoru kyni.
Það eru einnig nokkrar tilfærslur í undankeppninni í Bandaríkjunum en heilt yfir má sjá þá þróun að crossfit er að vera útbreiddara um allan heim sem hefur kallað á það að auk möguleika fólks utan Bandaríkjanna að tryggja sig inn á heimsleikana.
Dave Castro endaði líka á því að segja opna hluti undankeppninnar verði mjög sérstakur árið 2018 án þess að fara nánar út í það. Crossfit fólk verður því að bíða spennt eftir að heyra fréttir af breytingum á fyrsta hluta keppninnar um hraustasta fólk heims.
Ísland og Norður-Evrópa fá sér undankeppni fyrir næstu heimsleika í crossfit
Tengdar fréttir
Anníe Mist um styrk Evrópuliðsins í crossfit: Það hjálpar að við séum þrjú frá Íslandi
Anníe Mist Þórisdóttir mun keppa fyrir hönd Evrópu í liðakeppni heimsleikana í crossfit og hún var í viðtali á Twitter-síðu The CrossFit Games þar sem hún ræddi meðal um endurkomu sína í hóp bestu crossfit kvenna heims.
Íslenska crossfit fólkið heldur uppi fjörinu í Evrópuliðinu | Myndband
Allir meðlimir evrópska úrvalsliðsins í crossfit hafa nú skilað sér til Melbourne í Ástralíu þar sem framundan er CrossFit Invitational mótið um helgina.
Ísland á 75 prósent af Evrópuliðinu í crossfit
Ísland heldur upp evrópska liðinu í crossfit í ár en allir nema einn keppandi Evrópuliðsins á CrossFit Invitational í ár eru íslenskir.
Evrópuliðið endaði í neðsta sæti á CrossFit Invitational
Ástralía eða Kyrrahafsliðið tryggði sér sigur á CrossFit Invitational mótinu sem fór fram í Melbourne í Ástralíu í nótt.
Þegar þeir kynntu hina 18 ára gömlu Katrínu Tönju fyrir crossfit heiminum | Myndband
Katrín Tanja Davíðsdóttir hefur tvisvar verið hraustast kona heims og endaði í fimmta sæti á heimsleikunum í ágúst síðastliðnum.
Tvær íslenskar crossfit dætur unnu saman og enginn annar átti möguleika
Íslensku stelpurnar Annie Mist Þórisdóttir og Katrín Tanja Davíðsdóttir urðu parameistarar kvenna árið 2017 en það var ein af þremur hlutum liðakeppni crossfit samtakanna í ár.
