Heimir með Viðar Örn í hópnum á móti Tyrklandi og Kósóvó | Svona lítur hópurinn út

Heimir Hallgrímsson, landsliðsþjálfari karla í fótbolta, tilkynnti í dag hópinn fyrir síðustu tvo leiki Íslands í undankeppni HM í Rússlandi 2018.

Heimir og KSÍ héldu blaðamannafund í höfuðstöðvum Knattspyrnusambands Íslands í Laugardalnum og þar var farið yfir hvaða leikmenn fá það stóra verkefni að tryggja Íslandi sæti á heimsmeistaramótinu í fyrsta sinn í sögunni.

Íslenska liðið spilar fyrst út í Tyrklandi en kemur svo heim og mætir liði Kósóvó á Laugardalsvellinum.

Íslenska liðið er eins og er við hlið Króatíu á toppi riðilsins en situr í öðru sætinu á lakari markatölu. Tyrkir og Úkraínumenn eru tveimur stigum á eftir og spennan því mikil fyrir síðustu tvær umferðir riðilsins.

Heimir gerir ekki stórar breytingar á hópnum sem lék á móti Finnlandi og Úkraínu í byrjun þessa mánaðar. Hann velur 25 manna hóp þar sem margir leikmenn íslenska liðsins eru á gulu spjaldi og geta því verið í banni í seinni leiknum.

Þetta er sami hópur og var síðast fyrir utan það að markvörðurinn Ingvar Jónsson dettur út og Ögmundur Kristinsson kemur

inn. Þá bætist Arnór Smárason inn í hópinn.

Viðar Örn Kjartansson er áfram í hópnum en Heimir tók hann inn á milli leikja í síðasta verkefni og ætlar Heimir að gefa Viðari fleiri tækifæri til að sýna sig á æfingum.

Emil Hallfreðsson verður í leikbanni í leiknum út í Tyrklandi eftir að hann fékk sitt annað gula spjald í sigrinum á móti Úkraínu í síðasta leik.  Af þeim sökum er Heimir með fjölmennari hóp að þessu sinni eða alls 25 leikmenn.

Hópurinn sem mætir Tyrklandi og Kósóvó er skipaður eftirtöldum leikmönnum:

Markmenn

Hannes Þór Halldórsson, Randers FC

Rúnar Alex Rúnarsson, FC Nordsjæland

Ögmundur Kristinsson, Excelsior

Varnarmenn

Birkir Már Sævarsson, Hammarby

Ragnar Sigurðsson, Rubin Kazan FC

Kári Árnason, Aberdeen FC

Ari Freyr Skúlason, KSC Lokeren

Sverrir Ingi Ingason, Rostov FC

Hörður Björgvin Magnússon, Bristol City FC

Jón Guðni Fjóluson, IFK Norrkoping

Hjörtur Hermannsson, Brøndby IF

Miðjumenn

Aron Einar Gunnarsson, Cardiff City FC

Birkir Bjarnason, Aston Villa FC

Emil Hallfreðsson, Udinese Calcio (Í banni á móti Tyrklandi)

Jóhann Berg Guðmundsson, Burnley FC

Gylfi Þór Sigurðsson, Everton FC

Rúrik Gíslason, 1.FC Nürnberg

Ólafur Ingi Skúlason, Kardemir Karabükspor

Arnóri Ingvi Traustason, AEK

Rúnar Már Sigurjónsson, Grasshopper Club

Arnór Smárason, Hammarby

Sóknarmenn

Alfreð Finnbogason, FC Augsburg

Jón Daði Böðvarsson, Reading FC

Björn Bergmann Sigurðarson, Molde FK

Viðar Örn Kjartansson