Panamera Turbo S E-Hybrid frumsýndur

Á rafbílasýningu Porsche á morgun, laugardag, fá áhugamenn um rafbílavæðinguna í bílaiðnaðinum að kynnast því nýjasta sem þýski ofurbílaframleiðandinn hefur fram að færa. Við þróun á rafbílavæðingu heimsins slái Porsche hvergi af kröfum sínum um einstaka hönnun og afburða aksturseiginleika, segir í fréttatilkynningu frá Bílabúð Benna, umboðsaðila Porsche á Íslandi.

Aðal númerið á sýningunni er frumsýning á ofurbílnum Panamera Turbo S E-Hybrid, sem er 680 hestöfl og 3,4 sek. í hundraðið. Rafbílasýning Porsche er á laugardeginum 9. september í Porsche salnum, Vagnhöfða 23. Opið verður frá kl. 12:00 til 16:00 og eru allir velkomnir.