Hinn fullkomni hvíti stuttermabolur

Þegar Justin Bieber biður þig um að finna hinn fullkomna hvíta stuttermabol með eins dags fyrirvara, þá gerirðu það. Bolurinn mátti ekki vera of stuttur né of víður, og sem stílisti Justin Bieber, fór Karla Welch í málið. Hún gerði sér ferð í K-Mart, keypti hvíta stuttermaboli í XXL og fór heim og settist við saumavélina.

Þetta kvöld markar upphaf nýjustu fatalínu hennar, xKara, sem mun selja hina fullkomnu hvítu stuttermaboli. Hvítur stuttermabolur er eitthvað sem nánast allir eiga í sínum fataskáp, og það var snilldin sem heillaði Köru, að hennar sögn.

Ef þeir eru nógu góðir fyrir Justin Bieber, þá hlýtur eitthvað að vera varið í þá.