Sjáðu blaðamannafund þjálfaranna í heild sinni

Freyr Alexandersson, landsliðsþjálfari, Ásmundur Haraldsson, aðstoðarlandsliðsþjálfari, og Ólafur Pétursson, markavarðaþjálfari landsliðsins, sátu fyrir svörum á blaðamannafundi á æfingasvæði íslenska liðsins í dag.

Þeir félagarnir fóru um víðan völl á 27 mínútna löngum fundi þar sem Freyr sagði meðal annars að vonbrigði og smá reiði væri hjá stelpunum okkar vegna stöðunnar á mótinu.

Freyr sagði einnig að innhólfið hjá sér væri fullt af fyrirspurnum um íslensku stelpurnar sem hafa spilað vel á mótinu þrátt fyrir að ná ekki úrslitum. Hann þarf að svara þeim eftir að mótinu lýkur.

Umræðan um U23 ára landsliðið er hávær og Freyr vill endilega að það verði sett á laggirnar. Hann getur þó ekki staðið einn í baráttunni eins og hann talaði um á fundinum sem má sjá í heild sinni hér að neðan.