Holland sigraði Svíþjóð í 8-liða úrslitum á Evrópumóti kvenna í fótbolta sem fram fer í Hollandi.
Jafnræði var með liðunum í leiknum en á 33. mínútu skoraði Lieke Martens beint úr aukaspyrnu og kom Hollandi yfir í leiknum.
Heimastúlkur fóru því með forskot inn í síðari hálfleikinn.
Strax eftir tveggja mínútna leik í seinni hálfleik fékk Svíþjóð dauðafæri til þess að jafna leikinn en inn vildi boltinn ekki.
Á 64. mínútu skoraði Vivianne Miedema annað mark Hollands í leiknum, staðan orðin 2-0 og róðurinn orðinn þungur fyrir Svíþjóð.
Bæði lið fengu fleiri færi til þess að skora en það gekk ekki að koma boltanum í netið og 2-0 sigur Hollands staðreynd og fara þær því áfram í undanúrslitin. Þar munu hollensku stelpurnar mæta annaðhvort Englandi eða Frakklandi.
Holland tryggði sér sæti í undanúrslitin
