Jói Berg truflaði viðtal við Gylfa með Scooter

Jóhann Berg Guðmundsson brá sér í hlutverk plötusnúðs þegar hann setti tónlist hins þýska Scooter í hljóðkerfið á Laugardalsvelli fyrir æfingu liðsins á morgun.

Fjölmiðlaviðtöl voru í gangi á sama tíma, til að mynda var króatískur sjónvarpsmaður að tala við Gylfa þegar hávær tónlistin ómaði yfir öllu á Laugardalsvellinum og í næsta nágrenni.

Gylfi og aðrir nærstaddir gátu ekki annað en hlegið að öllu saman og ekki annað að sjá á leikmönnum landsliðsins að það sé létt yfir þeim fyrir leikinn mikilvæga gegn Króatíu á sunnudagskvöld.