Arnar Már Björgvinsson leikur líklega ekki með Stjörnunni í sumar. Þetta kemur fram á Fótbolta.net.
Arnar Már útskrifaðist sem lögfræðingur í janúar og það hefur gengið illa hjá honum að samræma vinnu og fótboltann. Stjarnan æfir reglulega í hádeginu sem gerir Arnari Má erfitt fyrir.
Arnar Már, sem er 27 ára, hefur leikið 121 leik í Pepsi-deildinni með Stjörnunni, Breiðabliki og Víkingi Ó. og skorað 27 mörk. Hann varð Íslandsmeistari með Stjörnunni 2014.
Ekki liggur enn fyrir hvar Arnar Már mun spila í sumar.
„Það er lítið í boði í Pepsi-deildinni. Það eru mikið af liðum úti á landi sem ég get ekki farið í út af vinnu sem og mörg lið sem æfa í hádeginu eins og Stjarnan. Ég er því opinn fyrir því að fara í Inkasso-deildina líka. Ég veit ekki neitt ennþá hvað gerist,“ sagði Arnar í samtali við Fótbolta.net.
Arnar Már líklega ekki með Stjörnunni í sumar
Tengdar fréttir
KR og FH mæta bæði liðum frá Austurlandi | Dregið í 32 liða úrslit Borgunarbikarsins
Liðin úr Pepsi-deildinni eiga flest góða möguleika á að komast á sextán liða úrslit Borgunarbikarsins en dregið var í 32 liða úrslitum Borgunarbikars karla í höfuðstöðvum KSÍ í Laugardalnum.
Umfjöllun, viðtöl og einkunnir: Grindavík - Stjarnan 2-2 | Garðbæingar jöfnuðu í lokin
Nýliðar Grindavíkur tóku stig af Stjörnunni í fyrsta leik sínum í Pepsi-deildinni en voru nálægt því að fá öll stigin því jöfnunarmark Garðbæinga kom ekki fyrr en sex mínútum fyrir leikslok.
