Cleveland með magnaðan árangur síðan James kom tilbaka

Það er óhætt að segja að lið Cleveland Cavaliers hafi verið að spila eins og lið sem valdið hefur að undanförnu. Cleveland hefur nú spilað sjö leiki í úrslitakeppni NBA og unnið þá alla.

Liðið sópaði Indiana Pacers út úr úrslitakeppninni, 4-0, og er á góðri leik með að gera það sama gegn Toronto Raptors. Cleveland og Toronto mætast í fjórða leik liðanna í kvöld og með sigri getur Cleveland bókað sæti sitt í úrslitum Austurdeildarinnar.

En þrátt fyrir fjóra sigra á Indiana í fyrstu umferð úrslitakeppninnar, þá voru það allt saman jafnir leikir. Cleveland vann einvígið einungis með 16 stiga mun samtals úr öllum leikjunum.

LeBron James skoraði 35 stig í síðasta leik Cleveland og Toronto og Cleveland hefur nú unnið 31 leik í úrslitakeppni og aðeins tapað 4 síðan James kom aftur til Cleveland, fyrir tímabilið 2014-2015.

Toronto lék síðasta leik án Kyle Lowry, sem glímir við ökklameiðsli. Og ekki hjálpaði það Toronto mikið að vera með afleita nýtingu í skotum sínum. Liðið hitti til að mynda aðeins úr tveimur af átján þriggja stiga skotum sínum.

Það þarf því eitthvað mikið að gerast í kvöld ef Toronto ætlar að ná að knýja fram sigur. Leikur Toronto og Cleveland verður í beinni útsendingu á Stöð 2 Sport 2 og hefst útsending kl. 19:30.