Ricky Gervais hæstánægður með áhorfendur í Hörpu

Breski uppistandarinn Ricky Gervais er hæstánægður með áhorfendur í Hörpu í gærkvöldi ef marka má Twitter-færslu hans sem hann birti á miðnætti í gær, skömmu eftir að hann lauk fyrra uppistandi sínu af tveimur í Eldborg en hann er nú á ferðalagi um heiminn með uppistand sitt Humanity.

Á Twitter-síðu sinni segir Gervais að áhorfendur í Hörpu í gær hafi verið stórkostlegir og að hann geti ekki beðið eftir að flytja efnið sitt aftur í kvöld en þeirri aukasýningu var bætt við eftir að það seldist upp á uppistandið í gær á nokkrum mínútum.

What an amazing audience at @HarpaReykjavik. Can't wait to do it all again tomorrow!
I pic.twitter.com/oUtwgyoUcu

— Ricky Gervais (@rickygervais) April 20, 2017

Miðarnir á kvöldið í kvöld seldust einnig hratt upp og ljóst að Gervais á fjölmarga aðdáendur á Íslandi en hann hefur ekki áður komið og verið með uppistand hér.

Vona að félagslegu réttlætisriddararnir hafi skilið boðskap @rickygervais þetta var nú meiri skóflan í andlitið sem þer fengu. #legend

— Máni Pétursson (@Manipeturs) April 20, 2017

Sjúkleg sýning hjá @rickygervais í kvöld. Fáránlega fyndið en með undirtón sem fer dýpra en megnið af þjóðmálaumræðu sem maður sér. Geggjað.

— Gísli Marteinn (@gislimarteinn) April 20, 2017