Ólafía Þórunn fékk hláturskast í miðju sjónvarpsviðtali | Myndband

Atvinnukylfingurinn okkar Ólafía Þórunn Kristinsdóttir hefur ekki aðeins vakið athygli fyrir frábæra frammistöðu á golfvöllum heimsins heldur heillar hún alla með einlægni sinni og hógværð í öllum viðtölum.

Hans Steinar Bjarnason, sjónvarpsmaður á RÚV, lenti í því á dögunum að Ólafía Þórunn fékk hláturskast í miðju sjónvarpsviðtali við hann.

Ólafía festi vörina í teinunum sínum í lok viðtalsins og úr varð mjög fyndin stund þar sem bæði Ólafía og Hans Steinar fóru að skellihlæja.

Úr varð líka skemmtilegt myndband sem Hans Steinar fékk leyfi fyrir að birt á fesbókarsíðu RÚV Íþrótta. Hér fyrir neðan má sjá þetta stórskemmtilega myndband.