Aníta ætlar að reyna að klára lyfjaprófið fyrir verðlaunahendinguna

Aníta Hinriksdóttir tryggði sér bronsverðlaun á EM innanhúss í Belgrad í dag þegar hún kom þriðja í mark í 800 metra hlaupi kvenna.

Þetta eru fyrstu verðlaun Anítu í fullorðinsflokki en hún hefur bæði orðið heims- og Evrópumeistari unglinga í 800 metra hlaupi kvenna.

Aníta var kát þegar Vísir heyrði í henni eftir hlaupið en hún var þá á leiðinni í lyfjapróf eins og venjan er hjá veðlaunahöfum á stórmótum.

Aníta ætlaði að reyna að klára lyfjaprófið áður en kemur að verðlaunaafhendingunni þar sem hún stígur á pall ásamt Selinu Büchel frá Sviss og Shelayna Oskan-Clarke frá Bretlandi.

Verðlaunaafhendingin hefst klukkan 18.51 að staðartíma eða klukkan 17.51 að íslenskum tíma. Aníta ætti því að geta náð þessu. Við vonum það allavega.