Kvöldfréttir Stöðvar 2 í beinni

Stjórnvöld hafa ekki brugðist við ítrekuðum beiðnum um úrbætur á Grindavíkurvegi þrátt fyrir aukna umferð. Tvö banaslys hafa orðið á veginum í ár. Fjallað verður um málið í kvöldfréttum Stöðvar 2 en þar verður einnig sagt frá því að fimm bæklunaraðgerðir verða framkvæmdar á einkastofu á Íslandi í næstu viku, en fyrsta stóra bæklunaraðgerðinni á einkastofu var gerð í síðasta mánuði.

Donald Trump forseti Bandaríkjanna vill að þingið rannsaki meintar símhleranir Obama í aðdraganda síðustu forsetakosninga. Nýtt tæki sem kúabændur hafa verið að taka í notkun sendir bóndanum ess emm ess nokkrum klukkustundum áður beljan ber. Og þau eru mismunandi faratækin sem borgarbúar nota til að fara í vinnuna. Flestir fara á bíl eða með Strætó en sumum finnst best að róa. Aníta Hinriksdóttir tryggði sér bronsverðlaun í dag í átta hundruð metra hlaupi á Evrópumeistaramótinu í frjálsum íþróttum.