Staðfestu Sessions sem nýjan dómsmálaráðherra

Dómsmálanefnd öldungadeildar Bandaríkjaþings hefur staðfest Jeff Sessions sem nýjan dómsmálaráðherra í ríkisstjórn Donald Trump.

Ellefu þingmenn Repúblikana greiddu atkvæði með tilnefningunni, en níu þingmenn Demókrata gegn.

Sessions er öldungadeildarþingmaður frá Alabama og var tilnefningin ein sú umdeildasta þegar Trump var að raða fólk í ráðherrastöður.

Andstæðingar Sessions hafa bent á að hann hafi áður látið rasísk ummæli falla í tengslum við dómsmál gegn liðsmönnum Ku Klux Klan á níunda áratugnum.

Sessions hefur sjálfur sagt að umrædd ummæli hafi verið grín og að hann sé ekki rasisti.