"Ég næ ekki til þín“ Óttar Guðmundsson skrifar 4. febrúar 2017 07:00 Fræg er sagan í Íslenskri fyndni af bónda nokkrum sem stóð í brakandi þerri í heyflekknum. Skyndilega tók að hellirigna. Hann reiddist ógurlega, skók hrífuna til himins og öskraði: „Þú nýtur þess Guð, að ég næ ekki til þín.“ Í marsmánuði í fyrra var ég staddur í Bandaríkjunum. Forval flokkanna vegna forsetakosninga var í fullum gangi og Donald Trump fór hamförum gegn andstæðingum sínum. Frambjóðandinn viðraði ófeiminn öfgakenndar og róttækar skoðanir sínar á bandarískum og alþjóðlegum stjórnmálum. Heimsmyndin var einföld og svart-hvít eins og í Hollywood-mynd. Mestu skipti að ráða niðurlögum múslíma, Mexikóa og allra annarra sem sátu á svikráðum við amerískan almenning. Hann lék meistaralega á strengi þjóðerniskenndar og lagði áherslu á meðfædda yfirburði og sérstöðu Bandaríkjamanna. Trump vann ágætan sigur og hóf umsvifalaust að hrinda í framkvæmd helstu kosningaloforðum sínum. Hann lokaði landamærum, lofaði að byggja múr, hótaði að beita pyntingum og sendi evrópskum stjórnmálamönnum tóninn. Fjölmargir út um víða veröld hafa mótmælt áætlunum forsetans. Ekki er þó að sjá að það hafi nokkur áhrif á hinn yfirlýsingaglaða Trump. Væntanlega verður þó breyting á þegar honum berast fregnir af viðbrögðum Alþingis Íslendinga. Hver þingmaðurinn á fætur öðrum steytti hnefann í ræðustól og jós svívirðingum yfir þjóðhöfðingjann. Hann var kallaður fasisti, kvenhatari, rasisti og sitthvað fleira. Þingmennirnir minntu á bóndann í sögunni hér að ofan. „Þú nýtur þess Trump að við náum ekki til þín.“ Hann mun væntanlega sjá villu síns vegar, breyta um stefnu og taka fagnandi á móti sýrlenskum flóttamönnum. Enginn heilvita stjórnmálamaður vill liggja undir því að vera kallaður fasisti á Pírataspjallinu. Greinin birtist fyrst í Fréttablaðinu. Viltu birta grein á Vísi? Sendu okkur póst. Senda grein Donald Trump Óttar Guðmundsson Mest lesið Hliðarveruleiki hræðsluáróðurs og „pólitískur forarpyttur“ Þórður Snær Júlíusson Skoðun Nauðsynlegar breytingar á Menntasjóði námsmanna Ragna Sigurðardóttir Skoðun Fyrir hverja er Sjúkratryggingar Íslands? Hrefna Sif Jónsdóttir Skoðun Þekkir þú áhrifavaldana í lífi barnsins þíns? Daðey Albertsdóttir,Silja Björk Egilsdóttir,Skúli Bragi Geirdal Skoðun Að bregðast ungu fólki í viðkvæmri stöðu Ingibjörg Isaksen Skoðun Vindmyllufyrirtæki í áskrift hjá íslenskum almenningi Linda Jónsdóttir Skoðun Börn, foreldrar og skólar í vanda: Hvernig eigum við að nálgast verkefnið? Margrét Sigmarsdóttir,Bergljót Gyða Guðmundsdóttir,Arndís Þorsteinsdóttir,Edda Vikar Guðmundsdóttir Skoðun Ógnin sem við sjáum ekki – Hið falda tungumál ungu kynslóðarinnar á netinu Birgitta Þorsteinsdóttir Skoðun Er sjálfbærni bara fyrir raungreinafólk? Saga Helgason Skoðun Hvers virði er vara ef hún er ekki seld? Jón Jósafat Björnsson Skoðun
Fræg er sagan í Íslenskri fyndni af bónda nokkrum sem stóð í brakandi þerri í heyflekknum. Skyndilega tók að hellirigna. Hann reiddist ógurlega, skók hrífuna til himins og öskraði: „Þú nýtur þess Guð, að ég næ ekki til þín.“ Í marsmánuði í fyrra var ég staddur í Bandaríkjunum. Forval flokkanna vegna forsetakosninga var í fullum gangi og Donald Trump fór hamförum gegn andstæðingum sínum. Frambjóðandinn viðraði ófeiminn öfgakenndar og róttækar skoðanir sínar á bandarískum og alþjóðlegum stjórnmálum. Heimsmyndin var einföld og svart-hvít eins og í Hollywood-mynd. Mestu skipti að ráða niðurlögum múslíma, Mexikóa og allra annarra sem sátu á svikráðum við amerískan almenning. Hann lék meistaralega á strengi þjóðerniskenndar og lagði áherslu á meðfædda yfirburði og sérstöðu Bandaríkjamanna. Trump vann ágætan sigur og hóf umsvifalaust að hrinda í framkvæmd helstu kosningaloforðum sínum. Hann lokaði landamærum, lofaði að byggja múr, hótaði að beita pyntingum og sendi evrópskum stjórnmálamönnum tóninn. Fjölmargir út um víða veröld hafa mótmælt áætlunum forsetans. Ekki er þó að sjá að það hafi nokkur áhrif á hinn yfirlýsingaglaða Trump. Væntanlega verður þó breyting á þegar honum berast fregnir af viðbrögðum Alþingis Íslendinga. Hver þingmaðurinn á fætur öðrum steytti hnefann í ræðustól og jós svívirðingum yfir þjóðhöfðingjann. Hann var kallaður fasisti, kvenhatari, rasisti og sitthvað fleira. Þingmennirnir minntu á bóndann í sögunni hér að ofan. „Þú nýtur þess Trump að við náum ekki til þín.“ Hann mun væntanlega sjá villu síns vegar, breyta um stefnu og taka fagnandi á móti sýrlenskum flóttamönnum. Enginn heilvita stjórnmálamaður vill liggja undir því að vera kallaður fasisti á Pírataspjallinu. Greinin birtist fyrst í Fréttablaðinu.
Þekkir þú áhrifavaldana í lífi barnsins þíns? Daðey Albertsdóttir,Silja Björk Egilsdóttir,Skúli Bragi Geirdal Skoðun
Börn, foreldrar og skólar í vanda: Hvernig eigum við að nálgast verkefnið? Margrét Sigmarsdóttir,Bergljót Gyða Guðmundsdóttir,Arndís Þorsteinsdóttir,Edda Vikar Guðmundsdóttir Skoðun
Ógnin sem við sjáum ekki – Hið falda tungumál ungu kynslóðarinnar á netinu Birgitta Þorsteinsdóttir Skoðun
Þekkir þú áhrifavaldana í lífi barnsins þíns? Daðey Albertsdóttir,Silja Björk Egilsdóttir,Skúli Bragi Geirdal Skoðun
Börn, foreldrar og skólar í vanda: Hvernig eigum við að nálgast verkefnið? Margrét Sigmarsdóttir,Bergljót Gyða Guðmundsdóttir,Arndís Þorsteinsdóttir,Edda Vikar Guðmundsdóttir Skoðun
Ógnin sem við sjáum ekki – Hið falda tungumál ungu kynslóðarinnar á netinu Birgitta Þorsteinsdóttir Skoðun