CDFA stendur með Planned Parenthood

Tískuheimurinn er sífellt að verða pólitískari og hefur það aukist til muna síðan í kosningum vestanhafs í fyrra, þar sem hönnuðir hafa meðal annars neitað að klæða fjölskyldumeðlimi forsetans nýkjörna. 

Nú hefur tískuráð Bandaríkjanna, the Council of Fashion Designers of America eða CDFA, hafa ákveðið að styðja við bakið á samtökunum Planned Parenthood á tískuvikunni í New York sem hefst á fimmtudaginn en samtökin hafa verið mikið í umræðunni síðan Donald Trump lét það vera eitt af sínum fyrstu verkum í embætti að skrifa undir tilskipun þess efnis að skrúfa fyrir ríkisstyrki í samtök á borð við Planned Parenthood.

CDFA hefur látið útbúa bleik barmerki með áletruninni "Fashion stands with Planned Parenthood" sem verður dreift á hönnuði, fyrirsætur og aðra gesti tískuvikunnar í þeirri von um að sem flestir setji upp barmerkin og veki þannig athygli á mikilvægi starfssemi samtakanna. Þá verður einnig dreift út einblöðungum sem hvetja alla til að styrkja samtökin og kynna þeirra mikilvæga starf.  Meðal þeirra hönnuða sem taka þátt í átakinu eru til dæmis Proenza Schouler, Diane von Furstenberg, Prabal Gurung, Tory Burch, Zac Posen, og Carolina Herrera.

Hvað er Planned Parenthood? Samtökin einblína á heilsugæslu og kynfræðslu til kvenna og ungs fólk. Hægt er lesa nánar um samtökin hér.