Eldsneytissparnaður með Mobil Delvac

Delvac mótorsmurolíur hafa verið framleiddar frá 1925, þá af fyrirtækinu Vacuum Oil sem síðar varð hluti af Exxon Mobil. Þær hafa verið óslitið í framleiðslu og stanslausri þróun í 92 ár.

Mobil Delvac olíurnar fást hjá N1 en þar er lögð áhersla á að bjóða bestu fáanlegu olíur sem stuðla að bættri endingu véla og rekstraröryggi hjá viðskiptavinum. „Í dag eru framleiddar Delvac og Delvac 1 mótorsmurolíur sem henta og eru viðurkenndar á flestar gerðir af atvinnubílum og vinnuvélum. Einnig eru framleiddar gírolíur og sjálfskiptivökvar undir sömu nöfnum,“ upplýsir Víðir Ólafsson, smurolíuráðgjafi hjá N1. DELVAC stendur fyrir Diesel Engine Lubricant by Vacuum Oil.

Delvac 1 er að sögn Víðis svokölluð flaggskips-lína Mobil. „Þar er allt kapp lagt á að ná fram sem bestri vörn fyrir vélbúnaðinn og sömuleiðis sem lengstum líftíma smurolíunnar,“ segir Víðir en sýnt hefur verið fram á það með prófunum að Delvac 1 olíurnar geta stuðlað að umtalsverðum eldsneytissparnaði miðað við hefðbundnar olíur.

Hjá Exxon Mobil er að sögn Víðis mikill metnaður lagður í að framleiða hágæða smurolíur og er því mikið lagt í þróun og prófanir á framleiðslunni. „Þróunarvinnan er unnin hjá Exxon Mobil en ekki stuðst við aðkeyptar „uppskriftir“ eins og sum minni olíufélög gera gjarnan. Þá er mikil áhersla lögð á að vinna náið með framleiðendum tækjanna og afla viðurkenninga frá tækjaframleiðendum á olíurnar.“

Að sögn Víðis snýst allt um eldsneytissparnað og líftíma vökvans þegar kemur að gírolíum og sjálfskiptivökvum í dag og eldsneytissparnað og mengunarvarnir þegar kemur að gírolíum. „Með tilkomu mengunarvarnaðarbúnaðar og auknum kröfum um sparneytni geta þeir sem annast viðhald á vinnuvélum og atvinnubílum ekki lengur látið það duga að nota eina gerð af olíu á allan flotann eins og algengt var fyrir nokkrum árum. Í þá tíð komust menn býsna langt með því að eiga tunnu af Delvac MX 15W-40 og eina gírolíutunnu. Sú er ekki raunin lengur.“

Að sögn Víðis er hægt að velja nokkrar gerðir af Exxon Mobil mótorolíum.

Delvac XHP ESP 10W-40, er með langmestu notkunarmöguleikana en sú olía hefur hlotið viðurkenningar frá Mercedes Bens, MAN, Volvo, Renault og Scania svo dæmi séu nefnd. Þessi olía er ætluð á Euro 5 og Euro 6 bíla með mengunarvarnabúnaði í útblásturskerfum. Hún er syntetýsk og þolir langa notkun við erfið skilyrði,“ útskýrir Víðir.

Delvac XHP EXTRA 10W-40 er svo mest notuð á Scania, enda hefur hún Scania LDF-3 viðurkenningu. Delvac 1 LE 5W-30 er síðan nýjasta olían í þessum flokki. Hún er ætluð á nýjustu vélarnar og hefur hlotið viðurkenningar frá fjölmörgum framleiðendum. „Gerðar hafa verið samanburðartilraunir með því að bera saman eyðslu á flutningabílum sem nota þessa olíu og hefðbundna 15W-40 olíu og kemur Delvac olían umtalsvert betur út,“ segir Víðir. „Millbrook, sem er óháður aðili, sá um að bera saman eyðslu á tveimur Volvo FM 440 bílum og tveimur Iveco Eurocargo 75E16. Með því að nota Delvac 1 LE á vélina, syntetýska gírolíu á gírkassa og Mobilube 1 SHC á afturdrifin mældist allt að 2,9% eldsneytissparnaður miðað við hefðbundnu olíurnar.“

Víðir segir starfsfólk N1 alltaf reiðubúið að veita ráðgjöf og aðstoð við úrlausn á ýmsum vandamálum sem tengjast eldsneyti og smurefnum. Hann segir það getað margborgað sig að velja réttu efnin.