Jökull mætti með brosið sitt fræga í skírn

Jökull Júlíusson úr Kaleo var einn af mörgum sem mætti á Sushi Social í gærkvöldi þegar staðurinn var endurskírður formlega. 

Básúnuleikarinn Sammi spilaði undir ásamt félögum á meðan vígslan fór fram en það var sjálfur Siggi Hall sem sá um að gefa staðnum nýtt nafn.

Gestir staðarins voru með hressasta móti líkt og má sjá á meðfylgjandi myndum. 

Veitingastaðurinn bar áður nafnið Sushisamba og er hann í miðbæ Reykjavíkur.

Hæstiréttur komst að þeirri niðurstöðu í desember síðastliðnum að veitingastaðurinn mætti ekki bera nafnið Sushisamba eins og Vísir greindi frá á sínum tíma.

Sjá einnig: Sushisamba má ekki heita Sushisamba

Sushisamba var einn af tíu vinsælustu veitingastöðum landsins í byrjun síðasta árs samkvæmt tölum frá Meniga og seldi sushi fyrir um 300 milljónir króna árið 2015.