Ísland á stuðningsmenn ársins hjá stærsta fótboltatímariti heims

Stuðningsmenn íslenska landsliðsins í fótbolta voru þeir bestu á árinu að mati Four Four Two, stærsta fótboltatímarits heims, en þetta kemur fram í uppgjöri tímaritsins á fótboltaárinu 2016.

Tólfan og hinir íslensku stuðningsmennirnir vöktu verðskuldaða athygli á Evrópumótinu í Frakklandi þar sem Íslendingar létu vel í sér heyra þrátt fyrir að vera alltaf yfirmannaðir í stúkunni.

Víkingaklappið einfaldlega sigraði heiminn og er nú notað út um allan heim við allskonar tilefni. Það er erfitt að mótmæla vali Four Four Two á bestu stuðningsmönnunum en í umsögn um Íslendingana segir:

„Enginn gaf liðinu þeirra séns á EM 2016 en íslensku stuðningsmennirnir studdu við bakið á sínu liði sem uppskar kraftaverkið sem það átti skilið. Það er ef það má kallað það kraftaverk að vinna England.“

Í spilaranum hér að ofan má sjá Aron Einar Gunnarsson stýra Víkingaklappinu eftir sigurinn á Englandi í Hreiðrinu í Nice með bestu stuðningsmönnum ársins 2016.