Messi sá um Skotana | Sjáðu mörkin

Barcelona lét tvö mörk duga þegar liðið sótti Celtic heim í C-riðli Meistaradeildar Evrópu í kvöld. Lokatölur 0-2, Börsungum í vil.

Barcelona vann fyrri leik liðanna á Nývangi 7-0. Lionel Messi skoraði þrennu í þeim leik og hann hélt áfram að gera varnarmönnum Celtic grikk í kvöld.

Messi skoraði bæði mörk Börsunga í leiknum, það seinna úr vítaspyrnu.

Messi hefur nú skorað níu mörk í riðlakeppninni sem er ótrúleg tölfræði.

Barcelona er komið áfram í 16-liða úrslit og búið að vinna riðilinn. Celtic er í fjórða og neðsta sætinu og endar þar.