Fyrsta stiklan úr Fríðu og dýrinu sló met á YouTube

Fyrsta stiklan úr leikinni útgáfu af Disney-ævintýrinu Fríða og dýrið sló met á YouTube í gær. Hefur engin stikla úr kvikmynd hlotið jafn mikið áhorf á fyrsta degi í sýningu á myndbandavefnum.

Horft var 127,6 milljónum sinnum á stikluna á 24 klukkustundum en þar munar um vinsældir leikkonunnar Emmu Watson sem fer með hlutverk Fríðu, að mati spekinga vestanhafs.

Hún á sér afar öflugan aðdáendahóp á samfélagsmiðlum, en 27 milljón áhorfanna komu beint af Facebook-síðu hennar.

Stiklan sló þar með við stiklum úr stórmyndum á borð við Fifty Shades Darker, Star Wars: The Force Awakens og Captain America: Civil War.

Myndin verður frumsýnd í mars á næsta ári.