Kaj Leó frá FH í ÍBV

Færeyski landsliðsmaðurinn Kaj Leó í Bartalsstovu er genginn í raðir ÍBV í Pepsi-deild karla í fótbolta en þessi 25 ára gamli kantmaður spilaði með Íslandsmeisturum FH seinni hluta síðasta tímabils.

Kaj Leó spilaði með Steaua Búkarest í Rúmeníu áður en hann kom til Íslandsmeistaranna síðla sumars en þar náði hann aldrei að festa sér sæti í byrjunarliðinu.

FH var búið að gefa út að vængmaðurinn yrði ekki áfram í Hafnarfirðinu en hann kom aðeins við sögu í sex leikjum fyrir HM.

Kaj Leó er fyrsti leikmaðurinn sem Kristján Guðmundsson, nýr þjálfari ÍBV, fær til félagsins eftir að félagaskiptamarkaðurinn opnaði.