Í hvaða heimi er þetta ekki rautt spjald? | Myndir

Ingvi Þór Sæmundsson skrifar 6. október 2016 22:39

Niklas Moisander rífur í treyju Sveins Oddvar Moen. vísir/anton

Niklas Moisander, fyrirliði finnska fótboltalandsliðsins, lét skapið hlaupa með sig í gönur eftir að Ragnar Sigurðsson skoraði sigurmark Íslands í uppbótartíma í leik liðanna í undankeppni HM 2018 í kvöld.

Hér má sjá myndband af sigurmarki Íslands og viðbrögðum Finnanna.

Sigurmark íslenska liðsins var afar umdeilt og Finnar voru langt frá því að vera sáttir með þá ákvörðun norska dómarans Svein Oddvar Moen að láta markið standa.

Þjálfari Finna, Hans Backe, talaði m.a. um að þetta væri hneyksli.Markvörður finnska liðsins, Lukas Hradecky, var einnig saltvondur yfir ákvörðuninni.

Eftir að Moen dæmdi markið gilt reif Moisander í hálsmálið á treyju dómarans eins og sjá má á myndunum hér að ofan sem Anton Brink, ljósmyndari Fréttablaðsins og Vísis, tók.

Ótrúlegt en satt vísaði Moen Moisander ekki af velli heldur lét gult spjald duga. Finninn má því teljast afar lánssamur að vera ekki á leiðinni í leikbann.

HM 2018 í Rússlandi

Tengdar fréttir

Ari Freyr: Við hættum aldrei

"Mér fannst þetta verðskuldaður sigur,“ sagði Ari Freyr Skúlason eftir 3-2 sigur Íslands á Finnlandi í undankeppni Heimsmeistarakeppninnar í Rússlandi 2018 í kvöld.

6. október 2016 22:08

Sjáðu dramatískt og umdeilt sigurmark Íslands

Ísland tryggði sér ótrúlegan 3-2 sigur á Finnlandi á Laugardalsvelli í kvöld.

6. október 2016 21:07

Lukas Hradecky: Fjárans skandall

Lukas Hradecky markvörður finnska landsliðsins í fótbolta var allt annað en ánægður með sigurmark Íslands á Laugardalsvelli í kvöld.

6. október 2016 21:37

Einkunnir Íslands gegn Finnlandi: Gylfi bestur

Íslenska karlalandsliðið vann rosalegan 3-2 sigur á Finnlandi í fyrsta heimaleik sínum í undankeppni fyrir HM sem fer fram í Rússlandi sumarið 2018.

6. október 2016 20:54

Ögmundur: Sigurvegarar í þessu liði

Ögmundur Kristinsson varði mark Íslands í 3-2 sigrinum á Finnlandi í undankeppni Heimsmeistaramótsins í Rússlandi 2018 vegna meiðsla Hannesar Halldórssonar.

6. október 2016 22:21

Alfreð: Þetta var bara eitthvað rugl

Alfreð Finnbogason, framherji Íslands, var að vonum ánægður með sigurinn í leikslok, en Alfreð jafnaði metin í uppbótartíma eftir fyrirgjöf Gylfa Sigurðssonar.

6. október 2016 21:11

Ragnar: Tek markið 100% á mig

Ragnar Sigurðsson, varnarmaður Íslands, var himinlifandi með 3-2 sigurinn gegn Finnum í kvöld og segir að sigurmarkið hafi 100% verið hans.

6. október 2016 21:27

Björn Bergmann: Kom mér rosalega á óvart að vera í byrjunarliðinu

Björn segist ekki hafa búist við að vera hent strax í byrjunarliðið.

6. október 2016 22:12

Twitter: Himinlifandi Íslendingar en Finnar brjálaðir

Viðbrögð bæði Íslendinga og Finna eftir æsilegan landsleik liðanna í undankeppni HM 2018 í kvöld.

6. október 2016 21:52

Aron Einar kominn í bann: Svekktur út í sjálfan mig

Aron Einar Gunnarsson, fyrirliði íslenska fótboltalandsliðsins, var að vonum sáttur eftir dramatískan 3-2 sigur á Finnlandi í undankeppni HM 2018 í kvöld.

6. október 2016 21:22