Hlakka til að mæta á æfingar Eiríkur Stefán Ásgeirsson skrifar 28. september 2016 06:00 Elías Már hefur fundið sig vel hjá IFK Gautaborg. vísir/afp Elías Már Ómarsson hefur nýtt tímann vel í Svíþjóð frá því að hann var lánaður til IFK Gautaborgar frá Vålerenga í Noregi í byrjun ágústmánaðar. Elías Már hefur komið við sögu í sjö leikjum, verið byrjunarliðsmaður í sex þeirra og skorað í fjórum þeirra – þar af í síðustu þremur leikjum í röð. Það er greinilegt að honum líður vel á nýjum stað eftir að hafa verið í aukahlutverki með liði sínu í Noregi, sem hann er enn samningsbundinn og verður áfram til loka árs 2017. Þessi 21 árs Keflvíkingur gekk í raðir Vålerenga í ársbyrjun 2015. Fyrsta tímabilið gekk upp og ofan en Elías Már þurfti að bíða lengi eftir að fá tækifæri. Í fyrstu tólf umferðunum fékk hann að spila í samtals 34 mínútur. „Ég fékk svo tækifæri í leik gegn Molde og átti ágætan leik. Svo var ég aftur settur á bekkinn í næsta leik en kom svo aftur inn og skoraði þrjú mörk í tveimur leikjum,“ rifjar Elías Már upp í samtali við Fréttablaðið en eftir það spilaði hann reglulega, þó ýmist sem byrjunarliðsmaður eða varamaður. Lítið betra tók við á tímabilinu sem hófst í vor. Í fyrstu átján umferðunum fékk Elías Már fimm byrjunarliðsleiki. Þegar upp var staðið yfir þessi tvö tímabil hafði hann komið við sögu í 28 leikjum, þar af þrettán sem byrjunarliðsmaður og einungis þrívegis spilaði hann allar 90 mínúturnar. Elías Már hefur nú þegar bætt þann árangur á nokkrum vikum í Svíþjóð enda spilað hverja einustu mínútu í síðustu fjórum leikjum Gautaborgar. Það mátti heyra á Elíasi Má að hann tók því fegins hendi að fá tækifæri annars staðar, þegar IFK Gautaborg lýsti yfir áhuga sínum.Allt verður auðveldara „Mér fannst ég eiga góða leiki með Vålerenga þegar ég fékk að spila en síðan virtist þjálfarinn einfaldlega ekki vilja nota mig,“ segir Elías Már sem játar því að honum sé létt að finna fyrir trausti þjálfara síns í Svíþjóð. „Það gerir allt auðveldara. Maður finnur fyrir meira sjálfstrausti og maður hefur meiri ánægju af því að spila fótbolta. Ég finn aftur fyrir tilhlökkun fyrir æfingar og leiki sem gerist ósjálfrátt þegar manni gengur vel,“ segir Elías Már enn fremur.Vill í Evrópukeppni Sex umferðir eru eftir af tímabilinu í Svíþjóð. Gautaborg hefur aðeins tapað einum af síðustu fimm leikjum sínum og eru í fjórða sæti, fimm stigum á eftir AIK sem er í þriðja sætinu – því síðasta sem veitir þátttökurétt í Evrópukeppni. Elías Már er ánægður með að skora mörk en segir að það séu önnur mikilvægari markmið sem liðið hafi. „Liðið ætlar sér að komast í Evrópukeppni og ég vil hjálpa liðinu til að ná því. Ég hef fundið fyrir mikilli og sterkri liðsheild hér og liðið er eins og ein stór fjölskylda. Það hafa allir verið mjög almennilegir og viljugir að hjálpa hverjir öðrum,“ segir Elías Már. „Það er mikil gleði og samheldni í hópnum og maður finnur það ekki bara á strákunum í hópnum, heldur þjálfaranum og öllum starfsmönnum félagsins.“Pæli bara í fótboltanum Óvíst er hvað tekur við þegar lánssamningurinn við IFK Gautaborg rennur út um áramótin. „Miðað við stöðuna eins og hún er núna þá myndi ég skoða það vandlega að vera hér áfram, stæði það til boða. En ég er ekkert að velta því fyrir mér. Ég vil frekar pæla í fótboltanum og gera enn betri hluti en hingað til. Það er mikilvægast.“ Fótbolti á Norðurlöndum Mest lesið Sagði bíl Red Bull vera algjörlega óökuhæfan Formúla 1 Þrenna á föstudagskvöldi og háskólagráða á laugardegi Íslenski boltinn Englendingar Evrópumeistarar eftir framlengdan leik Fótbolti Stelpurnar okkar mættar í paradísina Fótbolti Stelpurnar stungu sér til sunds í vatninu Fótbolti Lenti ofan á öðrum bíl í Formúlu 2 Formúla 1 Útskrifuð af sjúkrahúsinu og gæti verið með á EM Fótbolti Chelsea áfram eftir tveggja klukkutíma töf og framlengingu Fótbolti Einhenta undrið ekki í NBA Körfubolti Körfuboltaspjald með Jordan seldist á 243 milljónir króna Körfubolti Fleiri fréttir Leikmaðurinn sem Liverpool ætlar að selja í sumar valinn bestur á EM Stelpurnar stungu sér til sunds í vatninu Útskrifuð af sjúkrahúsinu og gæti verið með á EM „Mér finnst þetta vera brandari“ Þrenna á föstudagskvöldi og háskólagráða á laugardegi Stelpurnar okkar mættar í paradísina Chelsea áfram eftir tveggja klukkutíma töf og framlengingu Bonny til Inter Leikur Chelsea og Benfica blásinn af Englendingar Evrópumeistarar eftir framlengdan leik FH-ingar flytja Kaplakrika í Laugardalinn Palmeiras fyrsta liðið í átta liða úrslit Pogba orðinn leikmaður AS Monaco Mikael mættur til að vinna titla með Djurgården: „Ég er sigurvegari sjálfur“ „Versta hugmynd sem hefur komið fram“ Fyrsti sigur Fylkismanna í fimmtíu daga Stelpurnar unnu Svía 54 prósent líkur á að stelpurnar okkar komist í átta liða úrslitin á EM Forest var búið að kaupa landsliðsmann en hann vildi ekki koma Gæti fengið fjögurra ára bann fyrir að reyna að fá gult spjald Stelpurnar okkar dönsuðu af gleði inn í klefa eftir leik Leikmenn í enska þurfa nú að fara í viðtal þegar þeir koma af velli Sjáðu markaveislu Valsmanna og varamannaþrennu Kristófers bjarga Blikum Hélt að Arnar væri að djóka í sér: „Maður var í smá sjokki“ Besta fótboltakona heims lögð inn á sjúkrahús fimm dögum fyrir EM Olivier Giroud verður liðsfélagi Hákonar Brentford hafnaði tilboði Manchester United Umdeildur öryggisvörður fær stuðning frá Haaland Hetja Blika í kvöld lá í viku inn á spítala í janúar með blóðsýkingu Níu ár síðan að strákarnir okkar „slökktu á“ Steve McClaren í beinni á Sky Sports Sjá meira
Elías Már Ómarsson hefur nýtt tímann vel í Svíþjóð frá því að hann var lánaður til IFK Gautaborgar frá Vålerenga í Noregi í byrjun ágústmánaðar. Elías Már hefur komið við sögu í sjö leikjum, verið byrjunarliðsmaður í sex þeirra og skorað í fjórum þeirra – þar af í síðustu þremur leikjum í röð. Það er greinilegt að honum líður vel á nýjum stað eftir að hafa verið í aukahlutverki með liði sínu í Noregi, sem hann er enn samningsbundinn og verður áfram til loka árs 2017. Þessi 21 árs Keflvíkingur gekk í raðir Vålerenga í ársbyrjun 2015. Fyrsta tímabilið gekk upp og ofan en Elías Már þurfti að bíða lengi eftir að fá tækifæri. Í fyrstu tólf umferðunum fékk hann að spila í samtals 34 mínútur. „Ég fékk svo tækifæri í leik gegn Molde og átti ágætan leik. Svo var ég aftur settur á bekkinn í næsta leik en kom svo aftur inn og skoraði þrjú mörk í tveimur leikjum,“ rifjar Elías Már upp í samtali við Fréttablaðið en eftir það spilaði hann reglulega, þó ýmist sem byrjunarliðsmaður eða varamaður. Lítið betra tók við á tímabilinu sem hófst í vor. Í fyrstu átján umferðunum fékk Elías Már fimm byrjunarliðsleiki. Þegar upp var staðið yfir þessi tvö tímabil hafði hann komið við sögu í 28 leikjum, þar af þrettán sem byrjunarliðsmaður og einungis þrívegis spilaði hann allar 90 mínúturnar. Elías Már hefur nú þegar bætt þann árangur á nokkrum vikum í Svíþjóð enda spilað hverja einustu mínútu í síðustu fjórum leikjum Gautaborgar. Það mátti heyra á Elíasi Má að hann tók því fegins hendi að fá tækifæri annars staðar, þegar IFK Gautaborg lýsti yfir áhuga sínum.Allt verður auðveldara „Mér fannst ég eiga góða leiki með Vålerenga þegar ég fékk að spila en síðan virtist þjálfarinn einfaldlega ekki vilja nota mig,“ segir Elías Már sem játar því að honum sé létt að finna fyrir trausti þjálfara síns í Svíþjóð. „Það gerir allt auðveldara. Maður finnur fyrir meira sjálfstrausti og maður hefur meiri ánægju af því að spila fótbolta. Ég finn aftur fyrir tilhlökkun fyrir æfingar og leiki sem gerist ósjálfrátt þegar manni gengur vel,“ segir Elías Már enn fremur.Vill í Evrópukeppni Sex umferðir eru eftir af tímabilinu í Svíþjóð. Gautaborg hefur aðeins tapað einum af síðustu fimm leikjum sínum og eru í fjórða sæti, fimm stigum á eftir AIK sem er í þriðja sætinu – því síðasta sem veitir þátttökurétt í Evrópukeppni. Elías Már er ánægður með að skora mörk en segir að það séu önnur mikilvægari markmið sem liðið hafi. „Liðið ætlar sér að komast í Evrópukeppni og ég vil hjálpa liðinu til að ná því. Ég hef fundið fyrir mikilli og sterkri liðsheild hér og liðið er eins og ein stór fjölskylda. Það hafa allir verið mjög almennilegir og viljugir að hjálpa hverjir öðrum,“ segir Elías Már. „Það er mikil gleði og samheldni í hópnum og maður finnur það ekki bara á strákunum í hópnum, heldur þjálfaranum og öllum starfsmönnum félagsins.“Pæli bara í fótboltanum Óvíst er hvað tekur við þegar lánssamningurinn við IFK Gautaborg rennur út um áramótin. „Miðað við stöðuna eins og hún er núna þá myndi ég skoða það vandlega að vera hér áfram, stæði það til boða. En ég er ekkert að velta því fyrir mér. Ég vil frekar pæla í fótboltanum og gera enn betri hluti en hingað til. Það er mikilvægast.“
Fótbolti á Norðurlöndum Mest lesið Sagði bíl Red Bull vera algjörlega óökuhæfan Formúla 1 Þrenna á föstudagskvöldi og háskólagráða á laugardegi Íslenski boltinn Englendingar Evrópumeistarar eftir framlengdan leik Fótbolti Stelpurnar okkar mættar í paradísina Fótbolti Stelpurnar stungu sér til sunds í vatninu Fótbolti Lenti ofan á öðrum bíl í Formúlu 2 Formúla 1 Útskrifuð af sjúkrahúsinu og gæti verið með á EM Fótbolti Chelsea áfram eftir tveggja klukkutíma töf og framlengingu Fótbolti Einhenta undrið ekki í NBA Körfubolti Körfuboltaspjald með Jordan seldist á 243 milljónir króna Körfubolti Fleiri fréttir Leikmaðurinn sem Liverpool ætlar að selja í sumar valinn bestur á EM Stelpurnar stungu sér til sunds í vatninu Útskrifuð af sjúkrahúsinu og gæti verið með á EM „Mér finnst þetta vera brandari“ Þrenna á föstudagskvöldi og háskólagráða á laugardegi Stelpurnar okkar mættar í paradísina Chelsea áfram eftir tveggja klukkutíma töf og framlengingu Bonny til Inter Leikur Chelsea og Benfica blásinn af Englendingar Evrópumeistarar eftir framlengdan leik FH-ingar flytja Kaplakrika í Laugardalinn Palmeiras fyrsta liðið í átta liða úrslit Pogba orðinn leikmaður AS Monaco Mikael mættur til að vinna titla með Djurgården: „Ég er sigurvegari sjálfur“ „Versta hugmynd sem hefur komið fram“ Fyrsti sigur Fylkismanna í fimmtíu daga Stelpurnar unnu Svía 54 prósent líkur á að stelpurnar okkar komist í átta liða úrslitin á EM Forest var búið að kaupa landsliðsmann en hann vildi ekki koma Gæti fengið fjögurra ára bann fyrir að reyna að fá gult spjald Stelpurnar okkar dönsuðu af gleði inn í klefa eftir leik Leikmenn í enska þurfa nú að fara í viðtal þegar þeir koma af velli Sjáðu markaveislu Valsmanna og varamannaþrennu Kristófers bjarga Blikum Hélt að Arnar væri að djóka í sér: „Maður var í smá sjokki“ Besta fótboltakona heims lögð inn á sjúkrahús fimm dögum fyrir EM Olivier Giroud verður liðsfélagi Hákonar Brentford hafnaði tilboði Manchester United Umdeildur öryggisvörður fær stuðning frá Haaland Hetja Blika í kvöld lá í viku inn á spítala í janúar með blóðsýkingu Níu ár síðan að strákarnir okkar „slökktu á“ Steve McClaren í beinni á Sky Sports Sjá meira