Ashley Graham er andlit haustherferðar Lindex

Nýjasta herferð sænska tískurisans Lindex hefur loksins litið dagsins ljós en þar fer ofurfyrirsætan Ashley Graham með eitt af aðalhlutverkunum. Hún hefur verið ansi áberandi í sviðsljósinu seinustu misseri en hún hefur talað fyrir því að konur eigi að fá að vera vaxnar eins og þær eru án þess að líða illa með það.

Herferðin markar kaflaskil hjá Lindex en sérstök vörulína sem að átti að vera fyrir konur í yfirstærð hefur verið lögð af. Í staðin hefur stærðum verið bætt við almennu línurnar svo að allir fái að upplifa jafn gott úrval af fötum. 

Ásamt Ashley eru einnig þær Candice Huffin, Toni Garrn, Alek Wek og Cora Emmanuel.