Mótsmiðarnir hjá KSÍ allir farnir

Það vantaði ekki áhugann á mótsmiðum fyrir undankeppni HM karla í knattspyrnu. Miðarnir ruku út á mettíma.

Alls voru 1.000 miðar í boði sem kostuðu frá 15.000 kr. upp í 35.000 kr.

Greinilegt er að margir höfðu áhuga á að kaupa slíkan miða en þá á viðkomandi aðili sama sæti á öllum heimaleikjum Íslands í undankeppninni.

Er hálftími var liðinn frá opnun kom á skjáinn að fólk væri númer 1.500 í röðinni og að miðarnir væru í raun allir farnir.

Fótboltaæðið sem náði hámarki á EM í sumar er því greinilega langt í frá að vera lokið.