Evrópa er skotmark Ívar Halldórsson skrifar 17. júlí 2016 11:43 Evrópa er í sigti hryðjuverkamanna. Það er engin hending að tugir manna urðu fórnarlömb hryðjuverkaárásar á þjóðhátíðardegi Frakka. Þetta var skipulögð árás og árásarmaðurinn talin hafa verið undir áhrifum íslamskra öfgamanna eins og kom nýlega fram í frétt á mbl.is. Sjálfur Frakklandsforseti virðist vera viss um það ef marka má frásagnir íslenskra og erlendra fjölmiðla í kjölfar árásarinnar. Þennan fyrri hluta júlímánaðar hafa a.m.k. 740 manns látist vegna hryðjuverka á heimsvísu undir fána Íslam. Í þessum nærri 70 skráðu hryðjuverkaárásum hafa hundruð særst í þokkabót. Nú í Nice bættust um 90 saklaus fórnarlömb við. Talan hækkar og hækkar á meðan nýja skotmarkið Evrópa hræðist að horfast í augu við hættu sem hefur aldrei verið raunverulegri en nú. Franska lögreglan var á viðbúnaðarstigi á meðan EM-keppnin stóð yfir. Hún veit vel að oft stafar ógn af róttækum múslimum, og ekki síst þegar mikill fjöldi safnast saman til að gleðjast, dansa og drekka. Frakkar hafa nefnilega þurft að læra af slæmri reynslu. Þetta er ekki í fyrsta sinn sem þeir hafa orðið hryðjuverkum að bráð. Hryðjuverkum fer fjölgandi í Evrópu um þessar mundir og ekki er lengur rökrétt að kenna einhverjum illa elskuðum ofbeldistölvuleikjaáhugamönnum og einmana þunglyndissjúklingum um slík voðaverk. Það var hugsanleg orsök áður - en ekki nú. Eins og staðan er í dag vitum við líklega flest meira en við þorum að vita. Við segjum kannski einnig færra en við ættum að segja og gagnrýnum minna en við ættum að gera. Við viljum auðvitað ekki særa neinn, og er það gott svo langt sem það nær. En hvenær breytist manngæska okkar í meðvirkni? Flestar hryðjuverkaárásir í dag hafa sama samnefnara: Íslam í sinni róttækustu mynd. Þeir sem lýst hafa yfir ábyrgð á mannskæðum árásunum eru róttækir múslimar og herma að voðaverk sín séu réttlætanleg í ljósi róttækra trúarkenninga Íslam. Það er löngu orðið ljóst að múslimar víða í Evrópu eru hvattir til vondra verka af trúarleiðtogum sínum,sem ganga of langt í kennslu og útfærslu á íslömskum ritum. Við ættum að heiðra minningu fórnarlamba voðaverkanna, og ráðast með öllum ráðum að rót þeirrar illsku sem nú síðast varð þessu saklausa fólki að bana í Nice. Til þess að finna rótina og uppræta hana þurfum við að setja upp önnur gleraugu en setið hafa á nefum okkar síðustu misserin. Við þurfum að hafa gott gler fyrir gagnrýnin augu og með öllum ráðum fyrirbyggja að svona geti komið fyrir aftur. Það er ljóst að við slökkvum ekki logandi eld með því að blása á reykinn. Við þurfum að finna upptök eldsins; finna það sem nærir hann, til að ráða niðurlögum hans. Ef það er í raun öfgatrú sem kyndir bálið, eins og vísbendingar gefa vissulega til kynna, þarf að bregðast við á skjótan og markvissan hátt. Opinberir stuðningsmenn hins róttæka Íslam varpa svörtum skugga á friðsama múslima víða með hryðjuverkum sínum. Við gerum góðhjörtuðum múslimum engan greiða með því að leiða hjá okkur það hatur sem yfirlýstir öfgamenn íslam lesa út úr trúarritum sínum - þeim boðskapi sem knýr þá af krafti til vondra verka. Nú er vitað með vissu að í fjölda evrópskra moska er múslimum kennt að hata, og jafnvel vinna þeim sem ekki fylgja kenningum spámannsins mein. Faldar myndavélar og viðtöl við ímama og innanbúðarmenn evrópskra moska hafa staðfest þetta í viðtölum sem sýnd hafa verið í evrópskum fjölmiðlum. Róttækir múslimar hafa einnig lagt undir sig fjölda hverfa í evrópskum borgum og veigrar lögregla sér víða við að fara inn í þau með arm laganna, vegna þeirrar hættu sem venjulegri löggæslu kann að fylgja. Þeir múslimar sem hafa setið undir trúarlegri haturskennslu eru hættulegir umhverfi sínu. Við þurfum að gagnrýna allt sem steytir sig gegn frelsi okkar, öryggi og friði í Evrópu og þ.m.t. okkar landi - hvort sem um öfga innan trúarhópa, mótorhjólaklúbba eða skipulagðra hreyfinga er að ræða. Við höfum enn þann kost að geta lært af slæmri reynslu evrópskra nágranna okkar. Við getum byrgt brunninn okkar áður en barnið dettur ofan í hann. Öfgar eiga ekki heima í okkar landi. Við þurfum nú sem aldrei fyrr að vera á varðbergi til þess að ógæfa sú sem fjöldi Evrópuþjóða hefur orðið fyrir rati ekki á okkar mið. Viltu birta grein á Vísi? Sendu okkur póst. Senda grein Ívar Halldórsson Mest lesið 7 milljarða húsnæðisstuðningur afnuminn… en hvað kemur í staðinn? Vilhjálmur Hilmarsson Skoðun Sólheimar í Grímsnesi – að gefnu tilefni Páll Sævar Garðarsson,Sigurður Örn Guðbjörnsson Skoðun Eru starfsmenn þingflokks Samfylkingarinnar viljandi að afvegaleiða umræðu um samsköttun? Gunnar Ármannsson Skoðun Alþjóðlegur dagur þroskaþjálfa – vettvangur á tímamótum Laufey Elísabet Gissurardóttir Skoðun Mest lesnu orð á Íslandi Friðrik Björnsson Skoðun Slæm innivist skerðir afköst og hækkar kostnað Ingibjörg Magnúsdóttir Skoðun Mikilvægi lágþröskulda þjónustu fyrir geðheilbrigði ungs fólks Eva Rós Ólafsdóttir Skoðun Eiga foreldrar í háskólanámi raunverulega jafnan aðgang að námi? Hrund Steinsdóttir Skoðun Hafnarfjörður er bær sem styður við lífsgæði eldra fólks Valdimar Víðisson Skoðun Ónýtir vegir – eina ferðina enn Sigþór Sigurðsson Skoðun Skoðun Skoðun Betri mönnun er lykillinn Skúli Helgason,Sabine Leskopf skrifar Skoðun Borgarhönnunarstefna, sú fyrsta sinnar tegundar í Reykjavík Dóra Björt Guðjónsdóttir skrifar Skoðun Hversu oft á að fresta framtíðinni? Erna Magnúsdóttir,Stefán Þórarinn Sigurðsson skrifar Skoðun Getur Ísland staðið fremst í heilsutækni? Arna Harðardóttir skrifar Skoðun Slæm innivist skerðir afköst og hækkar kostnað Ingibjörg Magnúsdóttir skrifar Skoðun Sólheimar í Grímsnesi – að gefnu tilefni Páll Sævar Garðarsson,Sigurður Örn Guðbjörnsson skrifar Skoðun Framtíð Íslands: Frá áli til gervigreindar – Tækifæri fimmtu iðnbyltingarinnar Sigvaldi Einarsson skrifar Skoðun Eiga foreldrar í háskólanámi raunverulega jafnan aðgang að námi? Hrund Steinsdóttir skrifar Skoðun Fjármál framhaldsskóla Róbert Ferdinandsson skrifar Skoðun Mikilvægi lágþröskulda þjónustu fyrir geðheilbrigði ungs fólks Eva Rós Ólafsdóttir skrifar Skoðun Varhugaverð sjónarmið eða raunsæ leið? Eggert Sigurbergsson skrifar Skoðun Dýrin skilin eftir í náttúruvá Linda Karen Gunnarsdóttir skrifar Skoðun Skapandi leiðir í skóla- og frístundastarfi Kolbrún Þ. Pálsdóttir skrifar Skoðun Eru starfsmenn þingflokks Samfylkingarinnar viljandi að afvegaleiða umræðu um samsköttun? Gunnar Ármannsson skrifar Skoðun Reykjavík er meðal dreifðustu höfuðborga Evrópu Guðni Freyr Öfjörð skrifar Skoðun Verum öll tengd Sólrún Kristjánsdóttir skrifar Skoðun Hafnarfjörður er bær sem styður við lífsgæði eldra fólks Valdimar Víðisson skrifar Skoðun Samræðulist í heimi gervigreindar Þórdís Hólm Filipsdóttir skrifar Skoðun Samræmt gæðanám eða einsleit kerfi? Bogi Ragnarsson skrifar Skoðun Ónýtir vegir – eina ferðina enn Sigþór Sigurðsson skrifar Skoðun 7 milljarða húsnæðisstuðningur afnuminn… en hvað kemur í staðinn? Vilhjálmur Hilmarsson skrifar Skoðun Alþjóðlegur dagur þroskaþjálfa – vettvangur á tímamótum Laufey Elísabet Gissurardóttir skrifar Skoðun Mest lesnu orð á Íslandi Friðrik Björnsson skrifar Skoðun Tími til kominn að styðja öll framúrskarandi ungmenni Karólína Helga Símonardóttir skrifar Skoðun Hvað með dansinn? Lilja Björk Haraldsdóttir skrifar Skoðun Mótórhjólasamtök á Íslandi – hvers vegna öll þessi læti? Helgi Gunnlaugsson skrifar Skoðun Viðhorf sem mótar veruleikann – inngilding á orði og á borði Sóldís Birta Reynisdóttir skrifar Skoðun „Mér sýnist Inga Sæland fá talsvert út úr þessu“ Sigurjón Arnórsson skrifar Skoðun Árangur hefst hér. Með þér. Guðrún Högnadóttir skrifar Skoðun Þegar lýðheilsa, lýðræði og loftslagið eru í húfi, ekki efla samstarf við Bandaríkin Davíð Aron Routley skrifar Sjá meira
Evrópa er í sigti hryðjuverkamanna. Það er engin hending að tugir manna urðu fórnarlömb hryðjuverkaárásar á þjóðhátíðardegi Frakka. Þetta var skipulögð árás og árásarmaðurinn talin hafa verið undir áhrifum íslamskra öfgamanna eins og kom nýlega fram í frétt á mbl.is. Sjálfur Frakklandsforseti virðist vera viss um það ef marka má frásagnir íslenskra og erlendra fjölmiðla í kjölfar árásarinnar. Þennan fyrri hluta júlímánaðar hafa a.m.k. 740 manns látist vegna hryðjuverka á heimsvísu undir fána Íslam. Í þessum nærri 70 skráðu hryðjuverkaárásum hafa hundruð særst í þokkabót. Nú í Nice bættust um 90 saklaus fórnarlömb við. Talan hækkar og hækkar á meðan nýja skotmarkið Evrópa hræðist að horfast í augu við hættu sem hefur aldrei verið raunverulegri en nú. Franska lögreglan var á viðbúnaðarstigi á meðan EM-keppnin stóð yfir. Hún veit vel að oft stafar ógn af róttækum múslimum, og ekki síst þegar mikill fjöldi safnast saman til að gleðjast, dansa og drekka. Frakkar hafa nefnilega þurft að læra af slæmri reynslu. Þetta er ekki í fyrsta sinn sem þeir hafa orðið hryðjuverkum að bráð. Hryðjuverkum fer fjölgandi í Evrópu um þessar mundir og ekki er lengur rökrétt að kenna einhverjum illa elskuðum ofbeldistölvuleikjaáhugamönnum og einmana þunglyndissjúklingum um slík voðaverk. Það var hugsanleg orsök áður - en ekki nú. Eins og staðan er í dag vitum við líklega flest meira en við þorum að vita. Við segjum kannski einnig færra en við ættum að segja og gagnrýnum minna en við ættum að gera. Við viljum auðvitað ekki særa neinn, og er það gott svo langt sem það nær. En hvenær breytist manngæska okkar í meðvirkni? Flestar hryðjuverkaárásir í dag hafa sama samnefnara: Íslam í sinni róttækustu mynd. Þeir sem lýst hafa yfir ábyrgð á mannskæðum árásunum eru róttækir múslimar og herma að voðaverk sín séu réttlætanleg í ljósi róttækra trúarkenninga Íslam. Það er löngu orðið ljóst að múslimar víða í Evrópu eru hvattir til vondra verka af trúarleiðtogum sínum,sem ganga of langt í kennslu og útfærslu á íslömskum ritum. Við ættum að heiðra minningu fórnarlamba voðaverkanna, og ráðast með öllum ráðum að rót þeirrar illsku sem nú síðast varð þessu saklausa fólki að bana í Nice. Til þess að finna rótina og uppræta hana þurfum við að setja upp önnur gleraugu en setið hafa á nefum okkar síðustu misserin. Við þurfum að hafa gott gler fyrir gagnrýnin augu og með öllum ráðum fyrirbyggja að svona geti komið fyrir aftur. Það er ljóst að við slökkvum ekki logandi eld með því að blása á reykinn. Við þurfum að finna upptök eldsins; finna það sem nærir hann, til að ráða niðurlögum hans. Ef það er í raun öfgatrú sem kyndir bálið, eins og vísbendingar gefa vissulega til kynna, þarf að bregðast við á skjótan og markvissan hátt. Opinberir stuðningsmenn hins róttæka Íslam varpa svörtum skugga á friðsama múslima víða með hryðjuverkum sínum. Við gerum góðhjörtuðum múslimum engan greiða með því að leiða hjá okkur það hatur sem yfirlýstir öfgamenn íslam lesa út úr trúarritum sínum - þeim boðskapi sem knýr þá af krafti til vondra verka. Nú er vitað með vissu að í fjölda evrópskra moska er múslimum kennt að hata, og jafnvel vinna þeim sem ekki fylgja kenningum spámannsins mein. Faldar myndavélar og viðtöl við ímama og innanbúðarmenn evrópskra moska hafa staðfest þetta í viðtölum sem sýnd hafa verið í evrópskum fjölmiðlum. Róttækir múslimar hafa einnig lagt undir sig fjölda hverfa í evrópskum borgum og veigrar lögregla sér víða við að fara inn í þau með arm laganna, vegna þeirrar hættu sem venjulegri löggæslu kann að fylgja. Þeir múslimar sem hafa setið undir trúarlegri haturskennslu eru hættulegir umhverfi sínu. Við þurfum að gagnrýna allt sem steytir sig gegn frelsi okkar, öryggi og friði í Evrópu og þ.m.t. okkar landi - hvort sem um öfga innan trúarhópa, mótorhjólaklúbba eða skipulagðra hreyfinga er að ræða. Við höfum enn þann kost að geta lært af slæmri reynslu evrópskra nágranna okkar. Við getum byrgt brunninn okkar áður en barnið dettur ofan í hann. Öfgar eiga ekki heima í okkar landi. Við þurfum nú sem aldrei fyrr að vera á varðbergi til þess að ógæfa sú sem fjöldi Evrópuþjóða hefur orðið fyrir rati ekki á okkar mið.
Eru starfsmenn þingflokks Samfylkingarinnar viljandi að afvegaleiða umræðu um samsköttun? Gunnar Ármannsson Skoðun
Skoðun Borgarhönnunarstefna, sú fyrsta sinnar tegundar í Reykjavík Dóra Björt Guðjónsdóttir skrifar
Skoðun Sólheimar í Grímsnesi – að gefnu tilefni Páll Sævar Garðarsson,Sigurður Örn Guðbjörnsson skrifar
Skoðun Framtíð Íslands: Frá áli til gervigreindar – Tækifæri fimmtu iðnbyltingarinnar Sigvaldi Einarsson skrifar
Skoðun Eiga foreldrar í háskólanámi raunverulega jafnan aðgang að námi? Hrund Steinsdóttir skrifar
Skoðun Eru starfsmenn þingflokks Samfylkingarinnar viljandi að afvegaleiða umræðu um samsköttun? Gunnar Ármannsson skrifar
Skoðun 7 milljarða húsnæðisstuðningur afnuminn… en hvað kemur í staðinn? Vilhjálmur Hilmarsson skrifar
Skoðun Alþjóðlegur dagur þroskaþjálfa – vettvangur á tímamótum Laufey Elísabet Gissurardóttir skrifar
Skoðun Viðhorf sem mótar veruleikann – inngilding á orði og á borði Sóldís Birta Reynisdóttir skrifar
Skoðun Þegar lýðheilsa, lýðræði og loftslagið eru í húfi, ekki efla samstarf við Bandaríkin Davíð Aron Routley skrifar
Eru starfsmenn þingflokks Samfylkingarinnar viljandi að afvegaleiða umræðu um samsköttun? Gunnar Ármannsson Skoðun