Undanfarnar vikur og sérstaklega undanfarna daga hefur verið fjallað um afrek strákanna okkar á EM 2016 í fótbolta út um allan heim. Athyglin nær nú langt út fyrir Evrópu en spjallþáttastjórnendur í Bandaríkjunum hafa nokkrum sinnum tekið íslenska landsliðið fyrir.
Trevor Noah, stjórnandi The Daily Show, einum allra vinsælasta og stærsta gaman- og fréttaskýringaþætti Bandaríkjanna, sagði frá íslenska liðinu eftir að það vann England. Gerði hann þar grín að því að Roy Hodgson fékk borgaðar margar milljónir fyrir störf sín hjá Englandi en Heimir Hallgrímsson er tannlæknir.
Eins og svo oft áður vakti lýsing Guðmundar Benediktssonar athygli en Noah vildi meina að Gummi lýsi leiknum eins og það sé verið að drepa hann en hann neiti bara að hætta.
Þetta bráðfyndna myndband má sjá hér að ofan.
Ekki missa af neinu sem gerist á EM í Frakklandi. Vísir er með hóp fjölmiðlamanna á mótinu sem færa ykkur allar nýjustu fréttirnar af strákunum okkar. Fylgdu okkur á Facebook, Twitter og Snapchat (sport365).
Eins og það sé verið að drepa Gumma Ben | Myndband
Tengdar fréttir
Svona var blaðamannafundur strákanna í Annecy
Lars Lagerbäck, Jón Daði Böðvarsson og Birkir Már Sævarsson sátu fyrir svörum á blaðamannafundi íslenska liðsins.
72 prósent Dana halda nú með Íslandi
Strákarnir okkar rústuðu kosningu TV 2 í Danmörku og fengu langmesta stuðninginn.
Einn besti dómari heims á flautunni hjá Íslandi á sunnudaginn
Hollendingur sem hefur dæmt úrslitaleik Meistaradeildarinnar dæmir leik Frakklands og Íslands.
Formaður KSÍ: Bónusgreiðslur til leikmanna taka mið af Norðurlöndunum
"Þeir bera sinn skerf frá þessu. Það er hluti af þeirra miklu vinnuframlagi,“ segir Geir Þorsteinsson.
Fjórar ástæður fyrir því að 24 liða EM er betra | Ísland eitt besta dæmið
Ekki eru allir sammála um gæði 24 liða Evrópumóts en hér eru rökin með breytingunni.
