Sundlaugar loka vegna landsleiksins

Nokkrar sundlaugar víða um land munu loka fyrr í dag vegna landsleiks Íslands og Frakklands í átta liða úrslitum EM í Frakklandi í kvöld.

Salalag og Sundlaug Kópavogs loka klukkan sex í kvöld og það sama má segja um Lágafellslaug í Mosfellsbæ og Laugardalslaug.

Þá lokar Seltjarnarneslaug hálftíma síðar eða klukkan 18.30 auk þess sem að World Class stöðin í sama húsnæði og sundlaugin lokar á sama tíma.

Sundlaugin í Vestmannaeyjum lokar klukkan 18.30 en sundlaugarnar á Hellu og í Laugalandi loka klukkan 17.

Gríðarleg eftirvænting er eftir leiknum sem hefst klukkan 19.00 í kvöld.