Leikmaður FH ánægður með yfirburði Frakka gegn Íslandi

Skotinn Steven Lennon, leikmaður FH, er að fá það óþvegið á Twitter frá reiðum Íslendingum.

Er Frakkar komust í 2-0 gegn Íslandi gladdist Lennon og skrifaði að loksins væri alvöru fótbolti að hafa betur á þessu móti.

Þetta fannst mörgum Íslendingum ósmekklegt hjá Lennon sem hefur spilað hér á landi síðan árið 2011.

Sparkspekingurinn Hjörvar Hafliðason sagði meðal annars að þetta tíst Lennon væri að valda sér vonbrigðum og minnti Skotann á að hann væri ekki með vinnu ef ekki væri fyrir íslenskan fótbolta.

Lennon fær væntanlega ekki hlýjar móttökur frá íslenskum leikmönnum í næstu leikjum sínum eftir þetta.

Finally proper football is coming out on top in this tournament.

— StevenLennon (@StevenLennon_10) July 3, 2016