Börnin mega ekki koma út á völlinn

Búið er að banna leikmönnum Wales að taka börnin sín út á völlinn eftir leikinn gegn Portúgal annað kvöld.

Það hefur verið sannkölluð fjölskyldustemning hjá leikmönnum Wales eftir leiki liðsins á EM og margir hafa haft gaman.

Knattspyrnusamband Evrópu, UEFA, hefur aftur á móti ekkert gaman af þessu og hefur bannað þetta. Völlurinn sé ekki öruggur staður fyrir börn.

„Þetta er Evrópumót í knattspyrnu. Ekki fjölskylduteiti,“ sagði UEFA.

Sama hvernig fer á morgun þá er ljóst að það verða engar krúttlegar myndir af pöbbum með börnin sín á vellinum.