Pepe klár í stærsta leik ferilsins

Portúgalski varnarmaðurinn Pepe segist vera klár í úrslitaleik Evrópumeistaramótsins í fótbolta sem fram fer í dag þegar Portúgal mætir heimamönnum í Frakklandi.

Pepe var meiddur í læri þegar Portúgal sló Wales út í undanúrslitum en hann lætur ekkert stöðva sig frá því að mæta Frakkalandi í dag.

„Þetta stærsti leikur lífs míns vegna þess að ég er að leika fyrir fólkið mitt, fyrir þjóð mína,“ sagði Pepe. „Við viljum skrá nöfn okkar á spjöld sögunnar.

„Við vitum að við getum leikið vel. Við fylgjum leikáætlun þjálfarans og ætlum að gleðja alla portúgölsku þjóðina,“ sagði Pepe.