Auglýsing vekur upp hörð viðbrögð: Húðliturinn breyttist eftir þvott

Kínversk auglýsing hefur vakið hörð viðbrögð í heiminum en í umræddri auglýsingu er verið að sýna fram á gæði þvottaefnisins Qiaobi.

Gæði þvottaefnisins eru það mikil að húðlitur fólks getur tekið breytingum, eða það kemur í það minnsta fram í auglýsingunni.

Þar má sjá konu troða manni ofan í vélina, en sá er þeldökkur. Þegar hann stígur upp úr vélinni hefur húðlitur hans breyst heldur mikið.

Auglýsingin er sögð vera í grófari kantinum og hreinlega rasísk. Í athugasemdarkerfinu á YouTube og á Reddit er hún algjörlega fordæmt og þykir mjög ósmekkleg. Hér að neðan má sjá umrædda auglýsingu.