Modric: Þessi bikar tilheyrir Real Madrid

Luka Modric, miðjumaður Real Madrid, var stoltur í leikslok eftir sigur Real Madrid í Meistaradeild Evrópu. Hann segir leikurinn hafi verið erfiður vegna rakans.

„Við unnum þetta aftur, en þetta var erfiður leikur frá upphafi. Þetta var erfitt kvöld því rakinn var mikill, en við börðumst til enda og höfðum þetta," sagði Modric við BT Sport í leikslok.

„Við erum ánægðir og stoltir, við vorum ískaldir í vítunum og við áttum skilið að vinna. Ég er miður mín fyrir Atletico, en ég er glaður fyrir okkar hönd."

„Þetta er keppnin fyrir Real Madrid, bikarinn sem tilheyrir Real og það er þess vegna sem þetta lið er besta félag í heimi. Zidane sagði að þetta snérist um hugarfar og við þurftum að hafa trú á þessu," sagði Zidane að lokum.

Modric spilaði allan leikinn á miðjunni hjá Real Madrid, en hann tók ekki víti í vítaspyrnukeppninni.