Greta Salóme gengur hnarreist og stolt frá Eurovision ævintýrinu

Greta Salóme tók sviðið núna fyrr í kvöld og skilaði 3. mínútna listaverki sínu af sér með miklum glans. Því miður þá gekk Eurovision ævintýrið okkar ekki upp í þetta sinn en Greta Salóme mætti yfirveguð í viðtal og virtist taka þessu eins og sannur fagmaður.

„Þessi keppni er eins og hún er. Við gerðum allt sem við gátum og ég held að við höfum verið nokkuð nálægt hundrað prósentum á sviðinu,“ segir Greta. Hun segir hópinn sammála um að þetta hafi verið besta rennslið.

„Við erum ennþá jafn stolt af atriðinu, laginu og boðskapnum.“