Nöfn þeirra sem skipa íslensku dómnefndina í Eurovision

Úrslit söngvakeppni evrópskra sjónvarpsstöðva fer fram í Globen í Stokkhólmi, Svíþjóð, annað kvöld. Ísland verður fjarri góðu gamni eftir að Greta Salóme komst ekki upp úr undanriðlinum með lagið Hear Them Calling síðastliðið þriðjudagskvöld. Íslendingar munu þó taka þátt í fjörinu á morgun.

Áhorfendur taka þátt í símakosningunni og þá mun fimm manna dómnefnd frá Íslandi einnig hafa sitt að segja.

Hana skipa:

• Kristín Björg Þorsteinsdóttir fyrrverandi dagskrárgerðarmaður (formaður dómnefndar)
• Magnús Jón Kjartansson tónlistarmaður
• Kristjana Stefánsdóttir tónlistarmaður
• Vera Hjördís Matsdóttir tónlistarnemi
• Björgvin Ívar Baldursson tónlistarmaður

Fyrirkomuleg stigagjafarinnar hefur verið breytt fyrir þessa keppni þannig að hægt verður að fá 1 – 8 stig, 10 stig og 12 stig frá dómnefnd hverrar þjóðar og sömuleiðis 1 – 8 stig, 10 stig og 12 stig úr símakosningu hverrar þjóðar. Mun þetta því tvöfalda stigafjöldann í keppninni í ár.Áhorfendur hafa kost á að greiða atkvæði í keppninni í gegnum símhringingu, með SMS-i eða í gegnum opinbert app Eurovision-keppninnar.

Eftir að niðurstaða dómnefndar hverrar þjóðar hefur verið tilkynnt, þar sem tíu þjóðir geta fengið 1 – 8 stig, 10 stig eða 12 stig,  þá verður tilkynnt um niðurstöðu símakosningar  þar sem tíu þjóðir fá annað hvort 1 – 8 stig, 10 stig eða 12 stig.