Ylja stimplar sig inn í sumarið með nýju lagi

Hljómsveitin Ylja hefur sent frá sér nýtt lag, Í spariskóm.

Sem fyrr syngja þær Bjartey Sveinsdóttir og Gígja Skjaldardóttir saman í þeirri fallegu röddun sem Ylja er þekkt fyrir.

Aðdáendur hafa beðið spenntir eftir nýju efni frá Ylju síðustu misseri. Áður hefur sveitin gefið út tvær plötur, árin 2012 (Ylja) og 2014 (Commotion).

Örn Eldjárn og Magnús Örn Magnússon leika með þeim Bjarteyju og Gígju á gítar, syntha og trommur í laginu en textinn er eftir Bjarteyju. Gabríel Benedikt Bachmann gerði myndbandið.