Sjáðu gæsahúðarstikluna: Lars sagði strákunum að segja ekki „fuck off“

Fyrsta stiklan fyrir heimildarmynd fjölmiðlamannsins Sölva Tryggvasonar um íslenska karlalandsliðið í knattspyrnu og leið þess á Evrópumeistaramótið í sumar var frumsýnd á blaðamannafundi KSÍ, þar sem verið er að tilkynna um hópinn sem fer á mótið.

Stikluna má sjá hér að neðan. Margir hafa lýst yfir mikilli hrifningu með stikluna á Twitter og er óhætt að tala um að áhugamenn um landsliðið fái gæsahúð við áhorfið.

Myndin ber heitið „Jökullinn logar: Leið okkar á EM“ og verður frumsýnd um næstu mánaðarmót.

Jökullinn logar from Purkur on Vimeo.