Pogba: Ég vil verða goðsögn eins og Pelé og Maradona

Paul Pogba, miðjumaður Juventus, vill afreka það sama á sínum ferli og tveir af bestu fótboltamönnum sögunnar; Diego Maradona og Pelé.

Eftir að yfirgefa Manchester United 2012 og halda til Juventus hefur Pogba orðið einn af bestu miðjumönnum Evrópu. Hann er búinn að raða inn titlunum með Juventus á Ítalíu og komst með liðinu í úrslitaleik Meistaradeildarinnar í fyrra.

„Ég vil verða goðsögn eins og Pele og Maradona,“ segir Pogba í viðtali við La Repubblica.

„Ég vil samt eiginlega gera meira en þeir. Ég er ekki að segja að ég sé sá bestur heldur að ég vill verða sá besti.“

„Ég á við vandamál að stríða. Ég hata að tapa. Ég vil líka vera öðruvísi og ég vil gera það sem enginn gerir. Ég legg mikið að mér því markmið mitt er að verða fullkominn,“ segir Paul Pogba.