Helgarveðrið: Sunnan gola en fremur kalt

Veðurstofan spáir ágætis veðri um helgina en í dag verður hæg vestanátt og dálítil él en léttskýjað austanlands. Frost verður á bilinu 2-12 stig en hiti 0-5 stig sunnan-og vestanlands yfir hádaginn. Þá veður sunnan gola á morgun, dálítil él sunnan til en annars bjart veður þó áfram verði kalt.

Annað kvöld er síðan spáð suðaustan 8-13 metrum á sekúndu og slyddu eða snjókomu á Suður-og Vesturlandi. Þá verða víða él á sunnudag og vægt frost en rigning eða slydda suðaustanlands. Á mánudag gengur hann síðan í allhvassa suðaustanátt með vætu og hlýnandi veðri en úrkomulítið verður norðaustan til á landinu.

Veðurhorfur á landinu næstu daga:

Á laugardag:

Hæg sunnanátt og stöku él, en léttskýjað NA-til á landinu. Hiti 0 til 5 stig SV-lands, annars 0 til 8 stiga frost. Sunnan 8-13 metrar á sekúndu og slydda eða snjókoma á S- og V-landi um kvöldið.

Á sunnudag:

Vestan 8-13 metrar á sekúndu, él og vægt frost, en S-lægari og slydda eða rigning SA-lands.

Á mánudag:

Vaxandi suðaustanátt með slyddu eða snjókomu og síðar rigningu, en úrkomulítið NA-lands. Hlýnandi veður.

Á þriðjudag:

Vestlæg átt og skúrir eða él. Hiti yfirleitt 0 til 5 stig.

Á miðvikudag:

Vestlæg átt og él, en úrkomulítið A-lands. Vægt frost.

Á fimmtudag:

Snýst líklega í norðaustanátt með slyddu eða snjókomu víða um land.