Pirelli tilkynnir dekkjaval ökumanna fyrir Ástralíu

Pirelli, ítalski dekkjaframleiðandinn sem skaffar Formúlu 1 liðum dekk hefur gefið út upplýsingar um hvaða ökumaður valdi hvaða dekk fyrir fyrstu keppni tímabilsins.

Nýjar reglur í ár þýða að hver ökumaður getur valið 13 sett af dekkjum fyrir hverja keppnishelgi. Pirelli velur tvær gerðir sem fyrir keppnina. Pirelli velur svo líka eina gerð fyrir tímatökuna.

Ökumenn velja svo 10 settin sem eftir eru af þeim 13 sem þeir mega hafa. Þeir geta valið hvaða tegund sem er frá últra-mjúkum dekkjum og til harðra dekkja.

Í flestum liðum eru ökumenn sammála um dekkjaval. Lewis Hamilton hefur valið einungis eitt sett af milli-mjúkum dekkjum og þá valið auka sett af mjúkum dekkjum miðað við liðsfélaga hans, Nico Rosberg.

Manor ökumennirnir, Rio Haryanto og Pascal Wehrlein munu hafa fjögur sett af milli-mjúkum dekkjum, fjögur sett af mjúkum dekkjum og fimm sett af ofur-mjúkum dekkjum.

Ökumenn geta mest valið sjö sett af einhverri einni gerð.

Hér fyrir neðan má sjá skýringarmynd sem sýnir dekkjaval hvers ökumanns.