Ég er ekki vinsælasti maðurinn hjá Randers Eiríkur Stefán Ásgeirsson skrifar 26. júní 2015 09:30 Theodór Elmar gekk til liðs við erkifjendurna í AGF við litla hrifningu stuðningsmanna Randers, erkifjendanna. vísir/getty Landsliðsmaðurinn Theodór Elmar Bjarnason hefur nýtt tímabil í dönsku úrvalsdeildinni í sumar með nýju liði. Fyrr í mánuðinum bárust fregnir af því að hann hefði skipt yfir í nýliða AGF í Árósum frá grönnunum og erkifjendunum í Randers. „Ég er kannski ekki vinsælasti maðurinn í Randers í dag,“ sagði Elmar, eins og hann er alltaf kallaður, í samtali við Fréttablaðið. Áhangendur félagsins létu Elmar heyra það á stuðningsmannasíðu kappans á Facebook og er ekki von á öðru en að hann fái orð í eyra þegar hann mætir aftur til Randers sem liðsmaður erkifjendanna. „Það verður eitthvað púað og öskrað. Maður tekur því bara eins og maður,“ sagði Elmar í léttum dúr.Náði toppnum hjá Randers Elmar hefur verið á Norðurlöndunum undanfarin sjö ár og spilaði í Noregi og Svíþjóð áður en hann samdi við Randers árið 2012. Hann hefur nú mætt á sínar fyrstu æfingar á AGF og líst vel á. „Þetta eru góðar og skemmtilegar æfingar á flottu svæði. Það eru öflugir leikmenn í þessu liði,“ segir hann en hann segist hafa fundið fyrir þörfinni fyrir að breyta til. „Mér fannst að ég hafi náð toppnum hjá Randers og þegar það kom tilboð frá AGF sem mér hugnaðist vel var valið auðvelt. Ég þekki svo þjálfarann vel auk þess sem það var stutt að flytja fyrir mig. Það voru fleiri kostir í stöðunni fyrir mig en ég valdi þann besta fyrir mig,“ segir hann. AGF er nýliði í deildinni en liðið hefur verið flakkandi á milli efstu og næstefstu deildar undanfarin ár. En nú á að festa liðið almennilega í sessi á meðal þeirra bestu á nýjan leik en AGF hefur fimm sinnum orðið danskur meistari, síðast 1986. „Þetta er þriðja stærsta liðið í Danmörku [á eftir FC Kaupmannhöfn og Bröndby] og á heima í efri hluta deildarinnar,“ segir Elmar en AGF hefur styrkt liðið mikið á vormánuðum. „Það er kominn króatískur varnarmaður [Josep Elez] sem er á láni frá Lazio og svo er búið að fá mig og einn annan miðjumann í viðbót. Þeir hafa svo gefið út að félagið ætli sér að kaupa 3-4 leikmenn til viðbótar og ef það gengur eftir fer þetta að líta vel út,“ segir hann.Til í að verjast ef ég fæ að sækja Elmar spilaði sem miðjumaður hjá Randers – fyrstu tvö árin sem djúpur miðjumaður í 4-4-2 og svo ýmist á vinstri kanti eða á miðri miðjunni á sínu síðasta tímabili. En hann vonast til að fá að spila sína kjörstöðu hjá AGF. „Þjálfarinn hefur sagt að ég verði einn af þremur fyrir framan djúpan miðjumann í 4-3-3 sem er mín uppáhaldsstaða. Ég vil helst vera „box to box“ miðjumaður og er alveg til í að sinna varnarvinnunni þegar ég fæ líka leyfi til að sækja fram,“ segir Elmar og telur að dvölin hjá AGF verði gæfuskref fyrir sig. „Ég held að þetta gæti verið gott fyrir ferilinn. Vonandi verður þetta til þess að ég skori fleiri mörk.“Gríp tækifærið þegar það gefst Miðjumaðurinn Elmar er þó fyrst og fremst í hlutverki hægri bakvarðar í landsliðinu og því deilir hann með Birki Má Sævarssyni. Elmar var í byrjunarliði Íslands framan af í undankeppninni en hefur verið á bekknum í síðustu tveimur leikjum. „Ég á ekki von á því að hlutverk mitt í landsliðinu breytist og ég verði áfram bakvörður þar. Það þarf tvo í þá stöðu og við Birkir erum þeir einu sem eru í henni í landsliðinu sem stendur. Það er fínt að hafa samkeppnina við hann,“ segir Elmar sem gladdist vitanlega yfir sigrinum á Tékklandi þó svo að hann hafi ekki komið inn á. „Það er svekkjandi að fá ekki að spila en mér líður eins og allt slíkt sé aukaatriði í landsliðinu. Það er einfaldlega gaman að vera hluti af hópnum og maður samgleðst öðrum í hópnum fullkomlega,“ segir Elmar. „Ég tek bara þær mínútur sem ég fæ og reyni að grípa tækifærið þegar það gefst. Einn af styrkleikum hópsins er hversu góður hann er og þéttur. Í landsliðinu eru allir vinir sem er alls ekki algengt sama hvert er leitað.“ Nýtt tímabil í dönsku úrvalsdeildinni hefst 19. júlí og mun AGF leika þá gegn Kaupmannahafnarliðinu Bröndby. Fótbolti á Norðurlöndum Mest lesið „Við erum fastir í einhverri dýflissu“ Fótbolti Viðar Símonarson látinn Handbolti Í beinni: Norður-Írland - Ísland | Tekst loks að tengja saman sigra? Fótbolti Íslandsmeistarasystkinin með bikara sem hafa litið betur út Körfubolti Héldu fjörugt mót í Vík til styrktar ekkju Pálma Sport „Eftir að Real Madrid hringdi hugsaði ég ekki um neitt annað lið“ Fótbolti Gerðu vúdúdúkku vegna reiði í garð Ísaks Fótbolti Þvert nei við umsókn Grænlands Fótbolti Orri berst við fyrirliðann um stöðu: „Góðir vinir og reynum að hjálpast að“ Fótbolti Segir ástandið í Los Angeles „ekki eðlilegt“ Fótbolti Fleiri fréttir Forest vill niðurstöðu í mál Palace Í beinni: Norður-Írland - Ísland | Tekst loks að tengja saman sigra? Byrjunarlið Íslands: Arnar gerir fimm breytingar Man City ræður annan úr teymi Klopp hjá Liverpool Chelsea vill Gittens áður en glugginn lokar Aftur Bellingham í Dortmund eftir metsölu „Eftir að Real Madrid hringdi hugsaði ég ekki um neitt annað lið“ Jonny Evans heiðraður fyrir landsleik kvöldsins Orri berst við fyrirliðann um stöðu: „Góðir vinir og reynum að hjálpast að“ Þjálfari Þóris rekinn þrátt fyrir að bjarga liðinu Gerðu vúdúdúkku vegna reiði í garð Ísaks Allt klárt og Frank verður næsti stjóri Tottenham „Við erum fastir í einhverri dýflissu“ Þvert nei við umsókn Grænlands Segir ástandið í Los Angeles „ekki eðlilegt“ Mæta örmagna til leiks á HM félagsliða eftir langt og strembið tímabil „Þetta er ólýsanleg tilfinning“ ÍR og Njarðvík áfram taplaus Næstum því ótrúleg endurkoma Wales í Belgíu „Þróttarar gefa ekkert eftir, er þeim ekki alvara í þessu stríði?“ Aït-Nouri fyrstur inn um dyrnar hjá Man City Arnar rifjaði upp góða tíma með norður-írskum félögum Karlmaður lést eftir fall á úrslitaleik Þjóðadeildarinnar Segja Man United hafa sett í samband við Sporting vegna framherjans eftirsótta Endurkomusigur hjá Grindavík þrátt fyrir rautt spjald Chivu tekur við Inter ÍBV sótti sigur og sæti í undanúrslitum City að festa kaup á hinum eftirsótta Cherki „Ég er glaður að Eiður Smári sé ekki hérna“ Thomas Frank að taka við Tottenham Sjá meira
Landsliðsmaðurinn Theodór Elmar Bjarnason hefur nýtt tímabil í dönsku úrvalsdeildinni í sumar með nýju liði. Fyrr í mánuðinum bárust fregnir af því að hann hefði skipt yfir í nýliða AGF í Árósum frá grönnunum og erkifjendunum í Randers. „Ég er kannski ekki vinsælasti maðurinn í Randers í dag,“ sagði Elmar, eins og hann er alltaf kallaður, í samtali við Fréttablaðið. Áhangendur félagsins létu Elmar heyra það á stuðningsmannasíðu kappans á Facebook og er ekki von á öðru en að hann fái orð í eyra þegar hann mætir aftur til Randers sem liðsmaður erkifjendanna. „Það verður eitthvað púað og öskrað. Maður tekur því bara eins og maður,“ sagði Elmar í léttum dúr.Náði toppnum hjá Randers Elmar hefur verið á Norðurlöndunum undanfarin sjö ár og spilaði í Noregi og Svíþjóð áður en hann samdi við Randers árið 2012. Hann hefur nú mætt á sínar fyrstu æfingar á AGF og líst vel á. „Þetta eru góðar og skemmtilegar æfingar á flottu svæði. Það eru öflugir leikmenn í þessu liði,“ segir hann en hann segist hafa fundið fyrir þörfinni fyrir að breyta til. „Mér fannst að ég hafi náð toppnum hjá Randers og þegar það kom tilboð frá AGF sem mér hugnaðist vel var valið auðvelt. Ég þekki svo þjálfarann vel auk þess sem það var stutt að flytja fyrir mig. Það voru fleiri kostir í stöðunni fyrir mig en ég valdi þann besta fyrir mig,“ segir hann. AGF er nýliði í deildinni en liðið hefur verið flakkandi á milli efstu og næstefstu deildar undanfarin ár. En nú á að festa liðið almennilega í sessi á meðal þeirra bestu á nýjan leik en AGF hefur fimm sinnum orðið danskur meistari, síðast 1986. „Þetta er þriðja stærsta liðið í Danmörku [á eftir FC Kaupmannhöfn og Bröndby] og á heima í efri hluta deildarinnar,“ segir Elmar en AGF hefur styrkt liðið mikið á vormánuðum. „Það er kominn króatískur varnarmaður [Josep Elez] sem er á láni frá Lazio og svo er búið að fá mig og einn annan miðjumann í viðbót. Þeir hafa svo gefið út að félagið ætli sér að kaupa 3-4 leikmenn til viðbótar og ef það gengur eftir fer þetta að líta vel út,“ segir hann.Til í að verjast ef ég fæ að sækja Elmar spilaði sem miðjumaður hjá Randers – fyrstu tvö árin sem djúpur miðjumaður í 4-4-2 og svo ýmist á vinstri kanti eða á miðri miðjunni á sínu síðasta tímabili. En hann vonast til að fá að spila sína kjörstöðu hjá AGF. „Þjálfarinn hefur sagt að ég verði einn af þremur fyrir framan djúpan miðjumann í 4-3-3 sem er mín uppáhaldsstaða. Ég vil helst vera „box to box“ miðjumaður og er alveg til í að sinna varnarvinnunni þegar ég fæ líka leyfi til að sækja fram,“ segir Elmar og telur að dvölin hjá AGF verði gæfuskref fyrir sig. „Ég held að þetta gæti verið gott fyrir ferilinn. Vonandi verður þetta til þess að ég skori fleiri mörk.“Gríp tækifærið þegar það gefst Miðjumaðurinn Elmar er þó fyrst og fremst í hlutverki hægri bakvarðar í landsliðinu og því deilir hann með Birki Má Sævarssyni. Elmar var í byrjunarliði Íslands framan af í undankeppninni en hefur verið á bekknum í síðustu tveimur leikjum. „Ég á ekki von á því að hlutverk mitt í landsliðinu breytist og ég verði áfram bakvörður þar. Það þarf tvo í þá stöðu og við Birkir erum þeir einu sem eru í henni í landsliðinu sem stendur. Það er fínt að hafa samkeppnina við hann,“ segir Elmar sem gladdist vitanlega yfir sigrinum á Tékklandi þó svo að hann hafi ekki komið inn á. „Það er svekkjandi að fá ekki að spila en mér líður eins og allt slíkt sé aukaatriði í landsliðinu. Það er einfaldlega gaman að vera hluti af hópnum og maður samgleðst öðrum í hópnum fullkomlega,“ segir Elmar. „Ég tek bara þær mínútur sem ég fæ og reyni að grípa tækifærið þegar það gefst. Einn af styrkleikum hópsins er hversu góður hann er og þéttur. Í landsliðinu eru allir vinir sem er alls ekki algengt sama hvert er leitað.“ Nýtt tímabil í dönsku úrvalsdeildinni hefst 19. júlí og mun AGF leika þá gegn Kaupmannahafnarliðinu Bröndby.
Fótbolti á Norðurlöndum Mest lesið „Við erum fastir í einhverri dýflissu“ Fótbolti Viðar Símonarson látinn Handbolti Í beinni: Norður-Írland - Ísland | Tekst loks að tengja saman sigra? Fótbolti Íslandsmeistarasystkinin með bikara sem hafa litið betur út Körfubolti Héldu fjörugt mót í Vík til styrktar ekkju Pálma Sport „Eftir að Real Madrid hringdi hugsaði ég ekki um neitt annað lið“ Fótbolti Gerðu vúdúdúkku vegna reiði í garð Ísaks Fótbolti Þvert nei við umsókn Grænlands Fótbolti Orri berst við fyrirliðann um stöðu: „Góðir vinir og reynum að hjálpast að“ Fótbolti Segir ástandið í Los Angeles „ekki eðlilegt“ Fótbolti Fleiri fréttir Forest vill niðurstöðu í mál Palace Í beinni: Norður-Írland - Ísland | Tekst loks að tengja saman sigra? Byrjunarlið Íslands: Arnar gerir fimm breytingar Man City ræður annan úr teymi Klopp hjá Liverpool Chelsea vill Gittens áður en glugginn lokar Aftur Bellingham í Dortmund eftir metsölu „Eftir að Real Madrid hringdi hugsaði ég ekki um neitt annað lið“ Jonny Evans heiðraður fyrir landsleik kvöldsins Orri berst við fyrirliðann um stöðu: „Góðir vinir og reynum að hjálpast að“ Þjálfari Þóris rekinn þrátt fyrir að bjarga liðinu Gerðu vúdúdúkku vegna reiði í garð Ísaks Allt klárt og Frank verður næsti stjóri Tottenham „Við erum fastir í einhverri dýflissu“ Þvert nei við umsókn Grænlands Segir ástandið í Los Angeles „ekki eðlilegt“ Mæta örmagna til leiks á HM félagsliða eftir langt og strembið tímabil „Þetta er ólýsanleg tilfinning“ ÍR og Njarðvík áfram taplaus Næstum því ótrúleg endurkoma Wales í Belgíu „Þróttarar gefa ekkert eftir, er þeim ekki alvara í þessu stríði?“ Aït-Nouri fyrstur inn um dyrnar hjá Man City Arnar rifjaði upp góða tíma með norður-írskum félögum Karlmaður lést eftir fall á úrslitaleik Þjóðadeildarinnar Segja Man United hafa sett í samband við Sporting vegna framherjans eftirsótta Endurkomusigur hjá Grindavík þrátt fyrir rautt spjald Chivu tekur við Inter ÍBV sótti sigur og sæti í undanúrslitum City að festa kaup á hinum eftirsótta Cherki „Ég er glaður að Eiður Smári sé ekki hérna“ Thomas Frank að taka við Tottenham Sjá meira