Kristen vill prófa hasar

Kristen Stewart getur ekki beðið eftir því að hrista upp í ferli sínum og segist vera tilbúin að leika í ofurhetjumynd á borð við Captain America.

„Ég elska að horfa á þessar myndir. Það væri gaman að sýna fólki að ég get gert meira en að vera bara Kristen Stewart í annarri mynd í öðrum kringumstæðum,“ sagði hún.

„Ég er viss um að gæti komist um borð hjá Captain America, vitið þið hvað ég meina? Það yrði að vera rétta verkefnið.“

Nýjasta mynd Stewart er Still Alice þar sem hún leikur á móti hinni Óskarstilnefndu Julianne Moore.