Tíu þúsund hafa tekið þátt í valinu á Manni ársins 2015

Um tíu þúsund atkvæði hafa borist í valinu á Manni ársins 2015. Tíu aðilar berjast um titilinn en tæplega eitt þúsund tilnefningar bárust frá lesendum Vísis og hlustendum Bylgjunnar.

Enn er hægt að greiða atkvæði í valinu en kosningunni lýkur 28. desember klukkan 12.00. Maður ársins 2015 verður svo kynntur og heiðraður í Reykjavík Síðdegis á gamlársdag.

Valið stendur á milli eftirtalinna aðila, í engri sérstakri röð:

• Björgunarsveitirnar
• Lars Lagerbäck og Heimir Hallgrímsson
• Ásta Kristín Andrésdóttir
• Þórunn Ólafsdóttir
• Sævar Helgi Bragason
• Kári Stefánsson
• Sigrún Þ Geirsdóttir
• Almar Atlason
• Þröstur Leó Gunnarsson
• Guðmundur Viðar og Halldór Sigurbergur

Þú getur tekið þátt í valinu með því að fara inn á slóðina visir.is/madurarsins og látið þér líka við – setja „like“ á – þann sem þú vilt velja. Þar er hægt að lesa um þá sem eru tilnefndir. 

Hægt er að velja eins marga og þú vilt en aðeins er hægt að greiða hverjum og einum eitt atkvæði. Til að taka þátt þarftu að vera skráð(ur) inn á Facebook.