Sjöunda Rocky-myndin óvæntasti smellur ársins Birgir Olgeirsson skrifar 30. nóvember 2015 08:53 Sylvester Stallone og Michael B. Jordan sem Rocky Balboa og Adonis Johnson í Creed. Vísir/IMDb Ein umtalaðasta kvikmyndin vestanhafs um þessar mundir er sjöunda myndin í Rocky-seríunni sem nefnist Creed. Myndin segir frá syni Apollo Creed, leikinn af Michael B. Jordan, sem vill feta í fótspor föður síns og verða heimsmeistari í hnefaleikum. Hann leitar uppi gamlan vin föður síns Rocky Balboa, leikinn af Sylvester Stallone, og fær hann til að þjálfa sig. Myndin þykir einn óvæntasta smellur ársins, hefur þénað um 42 milljónir dollara á fyrstu sýningarhelginni sinni, kostaði um 37 milljónir dollara í framleiðslu, fyrir utan kostnað við markaðsherferð, og hefur fengið afar góða dóma hjá gagnrýnendum. Sem stendur er hún með 8,8 í einkunn á vefnum IMDb.com og metin 92 prósent fersk á vefnum Rotten Tomatoes. Hafa margir spekingar vestanhafs gengið svo langt að spá myndinni Óskarsverðlaunatilnefningu og að Sylvester Stallone hljóti tilnefningu fyrir bestan leik í aukahlutverki.Kvikmyndaverið sem keypti Rocky-handritið af Sylvester Stallone vildi alls ekki að Stallone myndi sjálfur leika Rocky.Vísir/IMDbStallone hefur einu sinni áður verið tilnefndur til Óskarsverðlauna fyrir leik og var það fyrir túlkun sína á Rocky Balboa í fyrstu myndinni sem kom út árið 1976. Myndin var alls tilnefnd til tíu Óskarverðlauna og hlaut þrenn, besta myndin, besti leikstjórinn og fyrir bestu klippinguna. Stallone hlaut ekki verðlaunin fyrir leik og fór einnig tómhentur heim í flokki þeirra sem voru tilnefndir fyrir besta handritið sem samið var sérstaklega fyrir kvikmynd. Það verður því afar forvitnilegt að sjá hvort hann fái tilnefningu fyrir enn eina túlkun sína á Rocky Balboa í þessari sjöundu mynd Rocky-seríunnar. Stallone verður sjötugur á næsta ári og spurning hvort Óskarsakademían telji rétt að verðlauna hann fyrir túlkun á Rocky sem hefur verið einskonar spegilmynd á feril Stallones. Hann hafði gengið með hugmyndina um Rocky í þó nokkurn tíma þegar kvikmyndaverið United Artist ákvað að kaupa handritið að fyrstu myndinni. Forsvarsmenn fyrirtækisins voru þó ekki hrifnir af þeirri hugmynd að láta Stallone leika Rocky og vildu fá alvöru stjörnu í verkið, Robert Redford, Ryan O´Neal, Burt Reynolds eða James Caan. Þeir gengu svo langt að bjóða Stallone 300 þúsund dollara ef hann sleppti því að leika Rocky. Stallone harðneitaði og fór svo að kvikmyndaverið gekkst við því að Stallone fengi að leika aðalhlutverkið en þó gegn því að framleiðslukostnaður myndarinnar yrði einungis ein milljón dollarar og að tökutími hennar yrði þrjár vikur. Myndin varð að tekjuhæstu mynd ársins 1976 og gerði Stallone að stjörnu. Í myndinni var Rocky valinn til að berjast við ríkjandi heimsmeistara Apollo Creed. Eftir blóðugan bardaga var Apollo dæmdur sigur af dómurum en þeir mættust aftur í mynd númer tvö þar sem Rocky hafði sigur. Í mynd númer þrjú gerðist Apollo þjálfari Rocky fyrir bardaga gegn Clubber Lang. Í fjórðu myndinni beið Apollo bana í hringnum gegn sovéska steratröllinu Ivan Drago. Það varð til þess að Rocky tók áskorun Dragos um að mæta honum í hringnum í Rússlandi þar sem Rocky hafði sigur og náði nánast að binda endi á kalda stríðið á milli Sovétríkjanna og Bandaríkjanna í leiðinni. Rocky og Ivan Drago í hringnum.Vísir/IMDbFjórða myndin kom út árið 1985 en Rocky var þá orðin að nokkurskonar brandara innan Hollywood. Veltu margir fyrir sér við hvern hann ætti að berjast í næstu mynd, ef hún yrði þá framleidd, og grínuðust nokkrir með þá hugmynd að næsti andstæðingur Rocky yrði geimvera og hann krýndu alheimsmeistari hnefaleikanna. Þetta grín gekk ansi langt í Hollywood og varð að lokum að kvikmyndinni Predator sem margir þekkja. Fimmta myndin kom út árið 1990 og vilja sem flestir gleyma henni og leit sjötta myndin dagsins ljós árið 2006 þar sem Rocky barðist í síðasta skiptið í hringnum. Í sjöundu myndinni er Rocky hins vegar kominn í aukahlutverk og á Adonis Johnson hug hans allan. Adonis þekkti aldrei föður sinn Apollo Creed þar sem hann lést í hringnum áður en Adonis fæddist. Hann fékk þó hæfileika föður síns í vöggugjöf og ferðast alla leið til Philadelphia til að fá Rocky til að hjálpa sér að ná á toppinn. Myndin verður frumsýnd 22. janúar á Íslandi en sjá má sýnishorn úr henni hér fyrir neðan: Bíó og sjónvarp Óskarinn Mest lesið Umfjöllunin um kynjaveisluna fór fyrir brjóstið á Birgittu Lífið Mætti á nærfötunum einum klæða Tíska og hönnun „Mig langaði að eiga vini og verða vinsæll“ Lífið Símtal á lágpunkti úti í London breytti öllu Lífið „Háð því að gera hluti sem eru óþægilegir“ Lífið Listamenn skora á Samherja að falla frá málsókn gegn ODEE Lífið Björk byrjar kvöldið og Blawan tekur svo við Lífið Býður Taylor barn Lífið Taylor Swift jafnaði met Beyoncé á VMA Tónlist Halla á Hellisheiði með viðskiptakonum Lífið Fleiri fréttir Hlátur og grátur á Ljósvíkingum Ljósbrot valin besta norræna kvikmyndin Frumsýning á Vísi: Fyrsta stiklan úr Svörtu söndum 2 Ældi næstum úr stressi á Cannes Myndaveisla: Rauður dregill og troðfullt hús á Ljósbroti Snerting hlaut eftirsótt verðlaun Snerting tilnefnd til kvikmyndaverðlauna Norðurlandaráðs Jökull í Kaleo í Glæstar vonir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Sjá meira
Ein umtalaðasta kvikmyndin vestanhafs um þessar mundir er sjöunda myndin í Rocky-seríunni sem nefnist Creed. Myndin segir frá syni Apollo Creed, leikinn af Michael B. Jordan, sem vill feta í fótspor föður síns og verða heimsmeistari í hnefaleikum. Hann leitar uppi gamlan vin föður síns Rocky Balboa, leikinn af Sylvester Stallone, og fær hann til að þjálfa sig. Myndin þykir einn óvæntasta smellur ársins, hefur þénað um 42 milljónir dollara á fyrstu sýningarhelginni sinni, kostaði um 37 milljónir dollara í framleiðslu, fyrir utan kostnað við markaðsherferð, og hefur fengið afar góða dóma hjá gagnrýnendum. Sem stendur er hún með 8,8 í einkunn á vefnum IMDb.com og metin 92 prósent fersk á vefnum Rotten Tomatoes. Hafa margir spekingar vestanhafs gengið svo langt að spá myndinni Óskarsverðlaunatilnefningu og að Sylvester Stallone hljóti tilnefningu fyrir bestan leik í aukahlutverki.Kvikmyndaverið sem keypti Rocky-handritið af Sylvester Stallone vildi alls ekki að Stallone myndi sjálfur leika Rocky.Vísir/IMDbStallone hefur einu sinni áður verið tilnefndur til Óskarsverðlauna fyrir leik og var það fyrir túlkun sína á Rocky Balboa í fyrstu myndinni sem kom út árið 1976. Myndin var alls tilnefnd til tíu Óskarverðlauna og hlaut þrenn, besta myndin, besti leikstjórinn og fyrir bestu klippinguna. Stallone hlaut ekki verðlaunin fyrir leik og fór einnig tómhentur heim í flokki þeirra sem voru tilnefndir fyrir besta handritið sem samið var sérstaklega fyrir kvikmynd. Það verður því afar forvitnilegt að sjá hvort hann fái tilnefningu fyrir enn eina túlkun sína á Rocky Balboa í þessari sjöundu mynd Rocky-seríunnar. Stallone verður sjötugur á næsta ári og spurning hvort Óskarsakademían telji rétt að verðlauna hann fyrir túlkun á Rocky sem hefur verið einskonar spegilmynd á feril Stallones. Hann hafði gengið með hugmyndina um Rocky í þó nokkurn tíma þegar kvikmyndaverið United Artist ákvað að kaupa handritið að fyrstu myndinni. Forsvarsmenn fyrirtækisins voru þó ekki hrifnir af þeirri hugmynd að láta Stallone leika Rocky og vildu fá alvöru stjörnu í verkið, Robert Redford, Ryan O´Neal, Burt Reynolds eða James Caan. Þeir gengu svo langt að bjóða Stallone 300 þúsund dollara ef hann sleppti því að leika Rocky. Stallone harðneitaði og fór svo að kvikmyndaverið gekkst við því að Stallone fengi að leika aðalhlutverkið en þó gegn því að framleiðslukostnaður myndarinnar yrði einungis ein milljón dollarar og að tökutími hennar yrði þrjár vikur. Myndin varð að tekjuhæstu mynd ársins 1976 og gerði Stallone að stjörnu. Í myndinni var Rocky valinn til að berjast við ríkjandi heimsmeistara Apollo Creed. Eftir blóðugan bardaga var Apollo dæmdur sigur af dómurum en þeir mættust aftur í mynd númer tvö þar sem Rocky hafði sigur. Í mynd númer þrjú gerðist Apollo þjálfari Rocky fyrir bardaga gegn Clubber Lang. Í fjórðu myndinni beið Apollo bana í hringnum gegn sovéska steratröllinu Ivan Drago. Það varð til þess að Rocky tók áskorun Dragos um að mæta honum í hringnum í Rússlandi þar sem Rocky hafði sigur og náði nánast að binda endi á kalda stríðið á milli Sovétríkjanna og Bandaríkjanna í leiðinni. Rocky og Ivan Drago í hringnum.Vísir/IMDbFjórða myndin kom út árið 1985 en Rocky var þá orðin að nokkurskonar brandara innan Hollywood. Veltu margir fyrir sér við hvern hann ætti að berjast í næstu mynd, ef hún yrði þá framleidd, og grínuðust nokkrir með þá hugmynd að næsti andstæðingur Rocky yrði geimvera og hann krýndu alheimsmeistari hnefaleikanna. Þetta grín gekk ansi langt í Hollywood og varð að lokum að kvikmyndinni Predator sem margir þekkja. Fimmta myndin kom út árið 1990 og vilja sem flestir gleyma henni og leit sjötta myndin dagsins ljós árið 2006 þar sem Rocky barðist í síðasta skiptið í hringnum. Í sjöundu myndinni er Rocky hins vegar kominn í aukahlutverk og á Adonis Johnson hug hans allan. Adonis þekkti aldrei föður sinn Apollo Creed þar sem hann lést í hringnum áður en Adonis fæddist. Hann fékk þó hæfileika föður síns í vöggugjöf og ferðast alla leið til Philadelphia til að fá Rocky til að hjálpa sér að ná á toppinn. Myndin verður frumsýnd 22. janúar á Íslandi en sjá má sýnishorn úr henni hér fyrir neðan:
Bíó og sjónvarp Óskarinn Mest lesið Umfjöllunin um kynjaveisluna fór fyrir brjóstið á Birgittu Lífið Mætti á nærfötunum einum klæða Tíska og hönnun „Mig langaði að eiga vini og verða vinsæll“ Lífið Símtal á lágpunkti úti í London breytti öllu Lífið „Háð því að gera hluti sem eru óþægilegir“ Lífið Listamenn skora á Samherja að falla frá málsókn gegn ODEE Lífið Björk byrjar kvöldið og Blawan tekur svo við Lífið Býður Taylor barn Lífið Taylor Swift jafnaði met Beyoncé á VMA Tónlist Halla á Hellisheiði með viðskiptakonum Lífið Fleiri fréttir Hlátur og grátur á Ljósvíkingum Ljósbrot valin besta norræna kvikmyndin Frumsýning á Vísi: Fyrsta stiklan úr Svörtu söndum 2 Ældi næstum úr stressi á Cannes Myndaveisla: Rauður dregill og troðfullt hús á Ljósbroti Snerting hlaut eftirsótt verðlaun Snerting tilnefnd til kvikmyndaverðlauna Norðurlandaráðs Jökull í Kaleo í Glæstar vonir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Sjá meira