Auðvelt hjá Bayern Munchen | Úrslit dagsins

Lærisveinar Pep Guardiola fylgdu 5-1 sigrinum gegn Arsenal eftir með 4-0 sigri á Stuttgart í þýsku deildinni í dag en öll fjögur mörkin komu í fyrri hálfleik.

Arjen Robben og Douglas Costa settu sitt hvort markið á upphafsmínútum leiksins en Robert Lewandowski og Thomas Müller gerðu út um leikinn með tveimur mörkum á þriggja mínútna kafla undir lok hálfleiksins.

Eftir óvænt jafntefli gegn Eintracht Frankfurt í síðustu umferð er Bayern því komið aftur á sigurbraut en liðið er með átta stiga forskot á Dortmund sem á leik til góða gegn Schalke á morgun.

Wolfsburg missti af mikilvægum stigum í dag en Wolfsburg tapaði nokkuð óvænt 0-2 gegn Mainz á útivelli. Julian Draxler fékk beint rautt spjald á 13. mínútu leiksins og náðu tíu leikmenn Wolfsburg ekki að halda út.

Úrslit dagsins:

Borussia Mönchengladbach 0-0 Ingolstadt

Bayer Leverkusen 1-2 Köln

Bayern Munchen 4-0 VfB Stuttgart

Hoffenheim 0-0 Eintracht Frankfurt

Mainz 2-0 Wolfsburg